Янгиликлар
06
Qanlıkól rayonı ádillik bólimi tárepinen 2021-jıl dawamında islengen jumısları haqqında maǵlıwmat
Ózbekstan RespublikasıPrezidentiniń 2018 jıl 13 apreldegi “Mámleketlik huqıqıy siyasattı ámelge asırıwda ádillik uyımları hámde mákemeleri jumısların túp tiykarınan jetilistiriw is-ilajları haqqında”ǵı PP-5415-sanlı Pármanı menen rayon(qala) ádillik bólimleri shólkemlestirildi. Ádillik bólimleriniń tiykarǵı wazıypaları: hákimlerge hámde mámleketlik uyımları hamde shólkemleriniń rayonlar (qalalar) bólimlerine nızamlar hám basqa normativ-huqıqıy hújjetlerdi qollaw máseleleri boyınsha másláhátler beriw, mámleketlik uyımları hamde shólkemleriniń rayon (qala) bólimleriniń nızamlar hám basqa normativ-huqıqıy hújjetler orınlanıwın shólkemlestiriw boyınsha iskerligine metodikalıq basshılıq qılıw hámde muwapıqlastırıw, qabıl etilip atırǵan nızamlar hámde basqa normativ-huqıqıy hújjetlerdiń mazmun-mánisin hám áhmiyetin rayonlar bólimlerindegi orınlawshılarǵa jetkeriw, «respublika— wálayat — rayon — máhalle» principi boyınsha húqıqıy úgit-nasiyat hámde xalıqtıń huqıqıy sawatsızlıǵına shek qoyıw boyınsha, sol qatarda huqıqtı qorǵaw hámde sud uyımları menen birgelikte is-ilajlardı ámelge asırıw, rayonlar (qalalar) hákimleri hámde xalıq deputatları Keńesleriniń qararların nızam hújjetlerine, mámleketimizde ámelge asırılıp atırǵan reformalardıń maqset hámde wazıypalarına muwapıqlıǵı kóz qarasınan huqıqıy ekspertizadan ótkeriw, huqıqtı qollaw ámeliyatın úyreniw hámde analizlew, onıń turaqlılıǵı hámde bir qıylılıǵın tamiyinlew boyınsha usınıslardı islep shıǵıw, insane huqıqların qorǵaw boyınsha is-ilajlardı ámelge asırıw, óz wákillikleri sheńberinde fizikalıq hám yuridikalıq shaxslardıń múrájatların kórip shıǵıw, mámleketlik uyımlar hámde shólkemleriniń rayon (qala) bólimlerinde huqıqıy islerdiń jaǵdayın monitoring etiw, sonday-aq, olardıń yuridikalıq xızmetleri iskerligin muwapıqlastırıw, qadaǵalaw hám metodikalıq támiyinlew belgilengen.
Qanlıkól rayonı ádillik bólimi tárepinen 2021-jıl dawamında tómendegi jumıslar ámelge asırıldı. Bólim tárepinen fizikalıq hámde yuridikalıq shaxslardıń mashqalaların orınlarda sheshiw hámde nızam hujjetlerine tiykar huqıqıy túsinikler beriw maqsetinde kóshpeli qabıllawlar ótkeriw belgilengen bolıp, huqıqtı qorǵaw uyımları hámde basqada tiyisli uyımlar hám shólkemler menen birgelikte rayon aymaǵında jaylasqan APJ, PPJ hám MPJlarda kóshpeli qabıllawlar ótkerildi.
Kóshpeli qabıllawlarda puqaralardı qızıqtırǵan máseleler boyınsha huqıqıy túsinik jumısları hámde nızam hújjetleri boyınsha húqıqıy úgit násiyat jumısları alıp barılıp, puqaralardıń múrájatları qabıllandı hámde sheshildi. Bólimge kóshpeli qabıllawlar hámde tikkeley fizikalıq shaxslardan túrli máseleler boyınsha 147 múrájatlar kelip túsip, 143 múrájat hal etilip, sonnan 101 múrájat yaǵnıy 71 payızı qanaatlandırıldı, 42 múrájatqa huqıqıy tusinik berildi, 4 múrájat tiyisliligi boyınsha mámleketlik uyımlarǵa sheshiw ushın jiberildi.
Monitoring, úyreniwler nátiyjelerine hámde puqaralardıń múrájatlarına tiykar xızmetkerlerge tólenbey kiyatırǵan is haqıların óndiriw boyınsha Puqaralıq isleri boyınsha Qońırat rayonlararalıq sudlarına 103 arza kiritilip jámi 319.839 mıń (úsh júz on toǵız million segiz júz otız toǵız mıń) sum muǵdarında is haqıların óndiriw boyınsha sud buyrıǵı shıǵarıldı.
Sonday-aq, puqaralardıń múrájatlarına hámde ótkerilgen monitoringler hám bólim tárepinen kiritilgen usınıslar nátiyjesinde puqaralarǵa tólenbey qalǵan 49.657.717 (qırıq toǵız million altı júz eliw jeti mıń jeti júz on jeti) sum is haqıları tólep berildi.
Bólim tárepinen mámleketlik uyımlar hám shólkemlerde Nızam hújjetlerine boysınılıwı hámde huqıqtı qollaw ámeliyatı boyınsha 16 mákeme hám shólkemlerde 16 úyreniwler hámde 11 monitoringler ótkerilip úyreniwlerde 8738(segiz mıń jeti júz otız segiz) nızambuzıwshılıq halatları anıqlandı. Bólim tárepinen ótkerilgen úyreniwler, monitoringler, puqaralardıń múrájatları júzesinen, tapsırma xatlar hám buyrıqlar orınlanıwın tamiyinlew júzesinen mámleketlik uyımlar hám shólkemlerge 27 usınıslar, 116 eskertiwler, 12 hákimshilik juwapkershilikke tartıw boyınsha usınıslar berilip, usınıslar nátiyjesine kóre 12 xızmetker hákimshilik juwapkershilikke tartıldı, 24 xızmetker intizamıy juwapkershilikke tartıldı.
Bólimniń rayonlar (qalalar) hákimleri hámde xalıq deputatları Keńesleriniń qararların nızam hújjetlerine, mámleketimizde ámelge asırılıp atırǵan reformalardıń maqset hámde wazıypalarına muwapıqlıǵı kóz qarasınan huqıqıy ekspertizadan ótkeriw wazıypasına muwapıq Xalıq deputatları Qanlıkól rayonlıq Keńesiniń 5 normativ tústegi qarar joybarı hám rayon hakiminiń 5 normativ tústegi qarar joybarı huqıqıy ekpertizadan ótkeriliwi ushın usınılıp sonnan belgilengen talaplarǵa ámel etilmey usınılǵan 2 qarar joybarı qaytarılıp nızam talaplarına ámel etilgen halda qayta usınılıp, jámi Xalıq deputatları Qanlıkól rayonlıq Keńesiniń 5 normativ tústegi qarar joybarı hám rayon hakiminiń 5 normativ tústegi qarar joybarı huqıqıy ekpertizadan ótkerilip juwmaqlar berildi.
“E-qaror” jergilikli atqarıwshı hákimiyat organları tárepinen qabıl etilip atırǵan qararlardı islep shıǵıw, kelisiw hám dizimnen ótkeriwdiń birden-bir elektron sisteması engizilip, rayon hákimligi hámde rayon Xalıq deputaları Keńesi tárepinen qabıl etilip atırǵan bárshe qararları “E-qaror” sisteması arqalı monitoring etilmekte hámde usı monitoring nátiyjesinde Ózbekstan Respublikası Ministrler Kabinetiniń 911-sanlı qararınıń talapları buzılǵan halda yaǵnıy Ádillik uyımlarına huqıqıy ekpertizaǵa usınılmaǵan halda qabıl etilgen qarar biykar etilip, nızamǵa muwapıqlastırıldı hámde hákimliktiń juwapker qániygesi intizamıy juwapkershilikke tartıldı.
Jámiyetde huqıqıy sana sezim hámde huqıqıy mádeniyattı artırrıw hámde xalıqtıń huqıqıy sawatxanlıǵın asırıw maqsetinde brifing materialları hámde jańadan qabıl etilip atırǵan nızam hújjetlerine tiykar máhálle, bilimlendiriw mákemeleri hámde miynet jámáátlerinde 348 awızeki, 94 úyme-úy, 47 kórgizbeli, 11 televidenie, 69 radio, 8 gazeta, 651 márte veb-saytlar hámde sociallıq tarmaqlar arqalı húqıqıy úgit nasiyat ilajları alıp barıldı.
Rayondaǵı 43 mákeme hámde shólkemlerge 1200 den artıq jańadan qabıl etilip atırǵan nızamshılıq hújjetleri elektron birge islesiw arqalı jetkerip berildi. Rayondaǵı bir qatar mákeme hámde shólkemlerde xızmetkerler ushın nızamshılıq hújjetleri boyınsha tasıtıyıqlanǵan reje grafikler tiykarında másláhat kursları hámde seminarlar ótkerildi.
Puqaralardıń huqıqıy sana sezimi hámde huqıqıy mádeniyat dárejesin anıqlaw boyınsha 6 túrdegi sorawnamalar ótkerilip, 500 puqaralar qatnastı. Bólim tárepinen nızam hújjetlerin jánede jetilistiriw boyınsha 25 usınıslar berildi.
Qanlıkól rayonı ádillik
bólimi baslıǵı A.Iskenderov