Янгиликлар
24
Nókis rayonı Yuridikalıq xızmetler kórsetiw orayınıń 2021-jılda islengen jumısları haqqında Esabat
Nókis rayonı Yuridikalıq xızmetler kórsetiw orayınıń 2021-jılda islengen jumısları haqqında Esabat
Ózbekstan Respublikası Prezidentiniń 2021-jıl 29-iyul kúngi «Mámleketlik uyımlar hám shólkemlerine yuridikalıq xızmet kórsetiw xızmetin jánede jetilistiriw ilajları haqqında»ǵı PQ-5168 sanlı Qararı menen júkletilgen wazıypalardı ámelge asırıw baǵdarı Nókis rayonı yuridikalıq xızmeti orayı tárepinen belgilengen jumıslar alıp barılmaqta.
Atap aytqanda, «E-huhuqshunos» elektron sisteması tolıq iske túsirilip, bul sistema arqalı bekitilgen 12 mákemege yuridikalıq xızmet kórsetip kelinbekte. Házirgi kúnde bekitilgen bárshe mámleketlik uyımlar hám shólkemler tárepinen huqıqıy hújjetlerdi qabıl etiwde Yuridikalıq xızmet orayınıń muwapıqlıǵı haqqındaǵı juwmaq tiykarında qabıllanbaqta.
2021-jıldıń 30-dekabr ayı dawamında mámleketlik uyımlar hám shólkemlerden jámi bolıp 1070 dana huquqıy tústegi hújjetlerdi qabıl etiw ushın hújjet joybarları orayga jiberilip, bul hujjetler joybarlarınıń 1008 ámeldegi nızam talaplarına muwapıqlıǵı hámde 60 muwapıq emesligi haqqında juwmaqlar berilgen bolsa, qalǵan 2 joybar qabıl etiwshilerge kemshiligi ushın qaytarılǵan.
Soǵan qaramastan bólim xızmetkerleri tárepinen mákemeler kesiminde qabıl etilip atırǵan hújjetler monitoring etip shıǵılǵanda Nókis rayonı Medicina birlespesi tárepinen 3 shártnama hámde Nókis rayonı Xalıq bilimlendiriw bólimi tárepinen 1 shártnama yuridikalıq xızmet kórsetiw orayları tárepinen yuridikalıq juwmaq alınbastan tuwrıdan-tuwrı rásmiylestirilgenligi anıqlandı. Bul boyınsha usı mákeme baslıqlarına belgilengen tártipte eskertiwler berildi hámde juwapker xızmetkerler arasında dodalanıp aldaǵı waqıtları Ózbekstan Respublikası Prezidentiniń 2021-jıl 29-iyul kúngi «Mámleketlik uyımlar hám shólkemlerine yuridikalıq xızmet kórsetiw xızmetin jánede jetilistiriw ilájları haqqında»ǵı
PQ-5168-sanlı Qararı talaplarına ámel eltilgen halda jumıs alıp barıwǵa kelisip alındı.
Sonıń menen birge xızmet kórsetilip atırǵan mámleketlik mákemelerde ámeldegi nızam talaplarınıń qollanılıwı úyrenilip barılmaqta.
Atap aytqanda, Nókis rayonı Sanitariya epidemiologiyalıq tınıshlıq hám jámiyet salamatlıǵı orayı tárepinen xızmetkerleriniń miynet huqıqları buzılǵanlıǵı anıqlandı. Máselen, 2021-jıldıń 9 ayı dawamında usı oraydıń 28 xızmetkerlerine miynet dem alısları berilip, Ózbekstan Respublikası Miynet kodeksiniń 137-statyasına tiykar miynet sharayatları qolaysız hám ózine say bolǵan jumıslar ushın beriletuǵın jıllıq qosımsha miynet dem alısları berilmesten qalǵanlıǵı anıqlandı.
Sonday-aq, Ózbekstan Respublikası Prezidentiniń 2020-jıl 3-dekabr kúngi PF-6122-sanlı Párman talaplarınan kelip shıǵıp jıl dawamında qosımsha dem alıs dep belgilengen kúnleri esabınan miynet dem alısları 2 kúnge qısqartırılǵan, biraq usı pármannıń 3-bóliminiń 3-xatbası talapları buzılǵan. Yaǵnıy, jıllıq miynet dem alısınıń ámeldegi dawamlıǵı esapqa alınbastan qısqartırılǵan kúnler esabınan miynet dem alısında saqlanatuǵın ortasha aylıq is haqıları da 2 kúnge qısqartırılıp tólengen.
Bul halat boyınsha, miynet huqıqları buzılǵan xızmetkerlerge kemis berilgen miynet dem alıs kúnleri hámde miynet haqıları qayta esap-sanaq qılınıp tolıq tólep berildi.
Oray xızmetkerleri tárepinen, Ózbekstan Respublikası Ádillik ministrliginiń 2021-jılı 7-dekabr kúngi kórsetpesi menen jiberilgen usınısları menen tanısıp shıǵıp, keleshekte orayǵa kelip túsken hújjetlerge juwmaq beriwde ámeliyatta paydalanıw ushın maǵlıwmatqa alındı.
Nókis rayonı Yuridikalıq xızmet kórsetiw orayı tárepinen mámleketlik uyımlar hám shólkemlerdiń iskerligin, huqıqıy jaqtan támiynlew hámde olarǵa sapalı hám professional yuridikalıq xızmet kórsetiwge qaratılǵan wazıypalardı tolıq ámelge asırıp kelmekte.
Nókis rayonı
Yuridikalıq xızmet kórsetiw
orayı baslıǵı M.Utepbergenov