Янгиликлар
24
Shomanay rayonı ádillik bólimi tárepinen 2021-jıl dawamında ámelge asırılǵan jumıslar haqqında ESABAT
Shomanay rayonı ádillik bólimi tárepinen 2021-jıl dawamında ámelge asırılǵan jumıslar haqqında ESABAT
Shomanay rayonı ádillik bólimi tárepinen 2021-jıl dawamında bir qatar unamlı jumıslar ámelge asırıldı atap aytatuǵın bolsaq, Rayon ádillik bólimi tárepinen insan huqıqların qorǵaw tarawında 2021-jıl dawamında rayon puqaralarınan jámi 130 múrájat qabıllandı hám sonnan 122 múrájat óz sheshimin tawıp 91 múrájat (70%) qanaatlandırıldı, 31 múrájat (23,8%)ke huqıqıy túsinikler berildi. Sonday-aq, 8 múrájat tiyisliligi boyınsha basqa uyımlarǵa jiberildi.
Bul múrájatlardı úyrenip shıǵıw nátiyjesinde anıqlanǵan nızambuzılıwshılıq jaǵdayların saplastırıw maqsetinde tiyisli mekeme hám shólkemlerge 8 usınıs,
4 eskertiw sıyaqlı tásir sharaları kirgizilip, 2 puqara jumısqa qayta tiklep berildi,
1 hákim qararı biykar etildi, 3 xızmetker intizamiy juwapkershilikke tartıldı hámde 3 puqaranıń 15 mln 624 mıń sumlıq is-haqı hám basqada tólemleri óndirip berildi.
Bunnan tısqarı, bólim tárepinen jıl dawamında jámi 59 puqaranıń 324 mln 702 mıń sumlıq is-haqıların óndirip beriw maqsetinde Puqaralıq isleri boyınsha Qońırat rayonlar aralıq sudına dawa arza kirgizildi hám 59 puqaranıń dawa arzası qanaatlandırılıp is-haqıların óndiriw boyınsha sud buyrıǵı shıǵarıldı. Sonday-aq, mákeme hám shólkemlerge usınıslar kirgiziw arqalı 184 mln 254,5 mıń sumlıq
41 puqaranıń is haqıları tólep berildi.
2021-jıl dawamında rayon ádillik bólimi tárepinen, rayon hákimliginen kelip túsken 5 normativ-huqıqıy xarakterdegi sheshim joybarı hám xalıq deputatları rayonlıq Keńesiniń 4 huqıqıy normativ-huqıqıy xarakterdegi sheshim joybarı ekspertizadan ótkerilip, unamlı juwmaqlar berildi hám huqıqıy ekspertizadan ótken hújjetler rayonlıq gazetadan daǵazalanıp hámde rásmiy veb-saytlarǵa jaylastırıldı. Sonday-aq, bul qararlar mámleketlik dizimge alınıwı ushın tiyisli tártipte Qaraqalpaqstan Respublikası ádillik ministrligine usınılıp kelinbekte.
Rayon hákimligi tárepinen qabıl etilip atırǵan sheshim hám biylikler, xalıq deputatları rayonlıq Keńesiniń sheshimleri “e-qaror” elektron sisteması arqalı bólim tárepinen turaqlı monitoring qılınıp barılmaqta.
Ózbekstan hám Qaraqalpaqstan Respublikası Ádillik ministrliginiń
2021-jıldıń I hám II yarım jıllıǵına belgilengen is-rejesi hám Qaraqalpaqstan Respublikası Ádillik ministriniń buyrıqları hám tapsırma xatları tiykarında rayonlıq xalıq bilimlendiriw bólimi hám oǵan qaraslı ulıwma bilim beriw mektepleri, mektepke shekemgi bilimlendiriw bólimi hám oǵan qaraslı mektepke shekemgi bilimlendiriw mákemeleri, xalıq bántligine kómeklesiw orayı, sport bólimi, Sharўanásil orayı, medicina birlespesi, sanitariya epidemiologiya tınıshlıq orayı, medicinalıq-sociallıq xızmetler sektorı, ishki isler bóliminiń migraciya hám puqaralıqtı rásmiylestiriw bólimi, byudjetten tısqarı pensiya jamǵarması, awıl xojalıǵı bólimi, kadastr agentligi, statistika bólimi, mámleketlik salıq inspeciyası, puqaralardıń ozin ózi basqarıw uyımalırı hámde irigaciya bólimi jumıslarında nızam hújjetlerine ámel etiw jaǵdayları boyınsha úyreniwler hámde monitoringlar ótkerilip, jámi 6039 jaǵdayda nızam buzılıushılıqlar anıqlandı.
Rayon ádillik bólimi tárepinen 2021 jıl dawamında ótkerilgen úyreniwler, monitoringlar hámde kelip túsken múrájatlardı úyreniw nátiyjesinde anıqlanǵan huqıqbuzarlıq jaǵdayların saplastırıw maqsetinde jámi 18 hákimshilik juwapkershilikke tartıw boyınsha bildirgi, 37 usınıs hám 48 eskertiw sıyaqlı tásir sharaları kiritildi hám sonnan 46 xızmetker intizamıy juwapkershilikke,
16 xızmetker hákimshilik juwapkershilikke tartıldı.
Bólim tárepinen 2021-jıl dawamında sociallıq-ekonomikalıq tarawda huqıqtı qollaw ámeliyatı tarawı boyınsha jámi 33 mekemeniń statistikalıq kórsetkishleri úyrenilip, jámi 106 normativ-hújjetler úyrenip shıǵıldı. Sonday-aq, nızamshılıqtı jetilistiriw hám hárekettegi nızam hújjetlerine ózgeris hám qosımshalar kiritiw boyınsha Qaraqalpaqstan Respublikası ádillik ministrligine 22 usınıs kiritildi.
Rayondaǵı mámleketlik organlar hám shólkemlerdiń yuridikalıq xızmetleri shtat birlikleri qısqartırılıp rayondaǵı 12 mámleketlik organlar hám shólkemlerge xızmet kórsetiwshi 3 shtat birliginen ibárat bolǵan yuridikalıq xızmet kórsetiw orayı jumıs basladı. Sonday-aq, rayon hákimliginiń bas yuriskonsul'ti tiyisli tártipte attestaciyadan ótkerilip belgilengen mártebe dárejesi berildi.
Bólim tárepinen jámi 669 úgit-násiyat jumısları alıp barılıp, sonnan 21 márte televidenie, 26 márte radio, 8 márte gazeta, 182 márte veb-sayt hám basqada elektron axborot quralları arqalı, 24 márte kórgizbeli hámde 408 márte awızeki huqıqıy úgit násiyat jumısları alıp barıldı.
Sonıń menen birge, mámleketlik organlar hám shólkemlerdiń rayondagı sturkturalarınıń elektron pochta hám e-xat mánzillerine 2021-jıl dawamında mámleketimizde jańadan qabıl etilgen jámi 1245 normativ-húqıqıy hújjetler elektron pochta mánzillerine jiberip barıldı.
Shomanay rayonı ádillik
bólimi baslıǵı J.Seytekov