Янгиликлар
24
Xojeli rayonı Yuridikalıq xızmet kórsetiw orayı tárepinen ámelge asırılıp atırǵan jumıslardıń analizi
Xojeli rayonı Yuridikalıq xızmet kórsetiw orayı tárepinen ámelge asırılıp atırǵan jumıslardıń analizi
Ózbekstan Respublikası Prezidentiniń 2021-jıl 29-iyun kúngi «Mámleketlik organları hám ólkemlerine yuridikalıq xızmet kórsetiw iskerligin jáne de jetilistiriw is-ilájları haqqında»ǵı PQ-5168-sanlı Qararına tiykarlanıp Respublikamız boylap barlıq rayon hám qalalarda Yuridikalıq xızmet kórsetiw orayları (keyingi orınlarda Oray dep júritiledi) shólkemlestirildi.
Bul oraylar tiykarınan tiyisliliginshe tikkeley Qaraqalpaqstan Respublikası Ádillik ministrligi, wáláyatlar hám Tashkent qalası Ádillik basqarmalarına boysınadı.
Joqarıda atap ótilgen qarar menen tastıyıqlanǵan «Yuridikalıq xızmet kórsetiw orayları haqqında»ǵı Reje menen Oraylardıń wazıypaları, funkciyaları, minnetlemeleri, huqıqları belgilep berildi. Tiykarınan Oraylar óz iskerligi dawamında tómendegi wazıypalardı atqaradı, yaǵnıy:
- yuridikalıq xızmet kórsetiletuǵın shólkemlerdiń iskerligin huqıqıy tárepten támiyinlew;
- yuridikalıq xızmet kórsetiletuǵın shólkemlerge sapalı hám mamanlı yuridikalıq járdem kórsetiw;
- yuridikalıq xızmet kórsetiletuǵın shólkemler xızmetkerleriniń huqıqıy sawatxanlıǵı hám huqıqıy mádeniyatın asırıw;
- yuridikalıq xızmet kórsetiletuǵın shólkemlerdiń múlkiy hám de basqa huqıq hám nızamlı mápleriniń óz waqtında, hár tárepleme hám nátiyjeli qorǵalıwın támiyinlew;
- mámleketlik organları hám shólkemleri tárepinen qabıl etilip atırǵan hújjetlerdiń nızamlı hám de hár tárepleme puxta hám sapalı bolıwın támiyinlew jumısların ámelge asıradı.
Joqarıdaǵı talaplar tiykarında búgingi kúnde óz iskerliklerin júritip atırǵan Oraylar qatarında Xojeli rayonı Yuridikalıq xızmet kórsetiw orayı da solar qatarında bir qansha jumıslardı ámelge asırıp kelmekte.
Atap aytatuǵın bolsaq, Orayımız 2021-jıldıń oktyabr ayında óz jumısın baslaǵan bolsa, búgingi kúnge shekem 2500ge jaqın hújjet joybarların huqıqıy ekspertizadan ótkerip, olarǵa nızam hújjetlerine muwapıqlıǵı barısınan yuridikalıq juwmaqlar berip kelmekte. Sonıń menen birge, óz lawazımlıq wazıypalarınan kelip shıǵıp, yuridikalıq xızmet kórsetilip atırǵan mákeme hám shólkemleri xızmetkerleriniń huqıqıy sanası hám mádeniyatın asırıw maqsetinde bir qansha úgit-násiyat jumısların ámelge asırıp atır.
Solar qatarında, ǵalaba xabar quralları arqalı da miynet nızamshılıǵı tarawınan kelip shıǵıp reportajlar, radio esittiriwler tayarlap, sonday-aq maqalalar jazıw arqalı xalıqtıń huqıqıy sanasın asırıp, qızıqlı maǵlıwmatlardı jarıtıp kiyatır. Bunnan tısqarı, nızamshılıǵımızda qabıl etilgen sońǵı jańalıqlardı xalqımızǵa jetkeriwde «Assalawma aleykum Qaraqalpaqstan» kórsetiwinń «Huqıqıy másláhát» rubrikası arqalı bir qansha kórsetiwler tayarlandı. Bulardıń ishinen anıq statistikalıq maǵlıwmatlar tiykarında kórsetip beretuǵın bolsaq, tórt ay dawamında Orayımız tárepinen televidenie arqalı 19 mártebe kórsetiw, radio arqalı 10 esittiriwler tayarlanıp, gazeta arqalı 4 mártebe maqalalar jazılıp, baspadan shıǵırıldı.
Sonı da aytıp ótiw lazım, Orayımız tárepinen yuridikalıq xızmet kórsetilip atırǵan mákeme hám shólkemlerge miynet nızamshılıǵı qatnasıqları tarawında qáte-kemshiliklerdi boldırmaw barısınan «E-huquqshunos» elektron sisteması arqalı usınıslar da kirgizilip, keyinshelik bul tarawda islenetuǵın jumıslar rejelestirlip alındı.
Xojeli rayonı Yuridikalıq xızmet
kórsetiw orayı baslıǵı Nurya Berdiniyazova