Янгиликлар
17
Qanlikol rayonı yuridikalıq xızmet kórsetiw orayı tárepinen 2021-jıl dawamında islengen jumısları boyınsha
Ózbekstan Respublikası Prezidentiniń 2021-jıl 29-iyun kúngi “Mámleketlik uyımlar hám shólkemlerde yuridikalıq xızmet kórsetiw iskerligin jánede jetilistiriw is-ilájları haqqında”ǵı qararı qabıl etilgen edi.
Usı qarar tiykarında Qanlıkól rayonındada yuridikalıq xızmet kórsetiw orayı shólkemlestirilip, 2021-jıl 4-oktyabr kúninen baslap óz iskerligin ámelge asırıp kelmekte. Bul oray óz iskerligin mámleket mákemelerine yuridikalıq xızmet kórsetiw barısında “E-huquqshunos” elektron sisteması arqalı hújjetler almasılıwı menen ámelge asırıp,12 mákemege yuridikalıq xızmet kórsetiliwi belgilengen. Mákemeler tárepinen yuridikalıq áhmiyetke iye hújjetler joybarları “E-huquqshunos” sistemasına kiritilip, oray xızmetkerleri tárepinen úsh jumıs kúni ishinde yuridikalıq ekspertizadan ótkeriliwi támiyinlenip atır.
2021-jıl dawamında jámi oray elektron sistemasına 1589 hújjet kelip túsken bolsa, sonnan 1030 buyrıqtan 1026 sına nızamshılıqqa muwapıqlıǵı boyınsha, 52sine nızamshılıqqqa muwapıq emesligı boyınsha huqıqıy juwmaq berilip, 2 hújjet nızamshılıqqa saykes emesligi sebepli qaytarılǵan.
Shartnamalıq múnasebetler boyınsha 549 hújjet kelip túsken, sonnan 284 miynet shártnamasına nızamshılıqqa muwapıqlıǵı boyınsha,6 miynet shartnamasına muwapıqlıǵı boyınsha, 242 puqaralıq shartnamasına nızamshılıqqa sáykesligi boyınsha, 16 puqaralıq shartnamasına nızamshılıqqa muwapıq emesligi boyınsha huqıqıy juwmaq berilgen.
Oray xızmetkerleri tárepinen reje tiykarında ózleri yuridikalıq xızmet kórsetetuǵın mákemelerine barıp, miynet nızamshılıǵı, korrupciyaǵa qarsı gúresiw tarawındaǵı normativ- huqıqıy hújjetlerdiń mazmun mánisin túsindiriw isleri jolǵa qoyılǵan bolıp, usı kúnge shekem 5 ǵalaba xabar quralları arqalı 101 awızeki túrde úgit-násiyat isleri hám xızmet kórsetilip atırǵan mákemeler xızmetkerlerine
“E-Huquqshunos” elektron sisteması menen islesiw boyınsha oqıw seminarları alıp barıldı.
Qanlikól rayonı yuridikalıq xızmet
kórsetiw orayı baslıǵı J.Ótemisova