Янгиликлар
21
Veterinariya xızmeti qánigeleriniń mamanlıǵın asırıw boyınsha mámleketlik xızmetler kórsetiledi
Veterinariya xızmeti qánigeleriniń mamanlıǵın asırıw boyınsha mámleketlik xızmetler kórsetiledi
Húkimet qararı (33-san, 19.01.2022-j) menen Veterinariya xızmeti qánigeleriniń mamanlıǵın asırıw, olardı qayta tayarlaw hám olarǵa ilmiy tájriybe taypaların beriw boyınsha mámleketlik xızmetlerin kórsetiwdiń basqarıw reglamenti tastıyıqlandı.
Hákimshilik reglamentke kóre, mamanlıǵın asırıwǵa talaban bolǵan veterinariya xızmeti qánigeleri mámleketlik xızmetler orayına ózi kelip múrájat etedi yamasa BIMXPında dizimnen ótedi.
Qabıl etilgen arzalar kórip shıǵıw ushın Samarqand veterinariya medicinasi institutı janındaǵı Kadrlardı qayta tayarlaw hám olardıń mamanlıǵın asırıw orayına dárhal jiberiledi.
Mamanlıǵın asırıw orayı arza belgilengen talaplarǵa sáykesligin 3 kún múddette kórip shıǵadı hám mamanlıǵın asırıwǵa qabıllaw ushın shártnama dúziw yamasa bas tartıw haqqında talabanǵa SMS xabar jiberedi.
Sonnan keyin 3 kún múddette mamanlıǵın asırıw orayı menen shártnama imzalanadı.
Shártnama imzalanǵannan keyin, 5 kún múddette belgilengen tólem talabanlar tárepinen ámelge asırılıwı kerek. Tólem ámelge asırılmaǵan jaǵdayda, olar mamanlıǵın asırıw kurslarına qabıl etilmeydi.
Tólemdi ámelge asırǵan talabanlar sanınan kelip shıǵıp, oqıw kursları kontingenti qáliplestiredi hám oqıw baslanatuǵın múddet haqqında 1 kún ishinde talabanlar xabardar etiledi.
Mámleketlik xızmetler kórsetilgeni ushın BEMnıń 20 procenti (54 mıń sum) muǵdarında jıyım óndiriledi. BIMXP arqalı múrájat etilgende, bul muǵdar 48 600 sumdı quraydı.