Янгиликлар
19
“Mehir dápteri” sistemasın engiziw tártibi belgilendi
“Mehir dápteri” sistemasın engiziw tártibi belgilendi
Húkimet qararı (26-san, 17.01.2022-j.) menen Jetim balalar hám ata-ana qaramaǵınan ayrılǵan balalardı hár tárepleme qollap-quwatlawǵa qaratılǵan “Mehir dápteri” sistemasın engiziw tártibi haqqındaǵı reje tastıyıqlandı
Rejege tiykar, jetim balalar hám ata-ana qaramaǵınan ayırılǵan balalar rayon (qala) hákimi qararı tiykarında “Mehir dápteri”ne kirgiziledi hám onnan shıǵarıladı.
“Mehir dápteri” sistemasına kirgiziwdiń málimleme sistemasınan paydalanıw hám maǵlıwmatlardı kirgiziw tártibi Milliy gvardiya tárepinen belgilenedi.
2022-jıl 1-fevralǵa shekem usı málimleme sisteması ámeliyatqa engiziledi.
Oqıw-tárbiya mákemeleri hámde rayon (qala) hákimlikleriniń Balalardı qorǵaw sektorları “Mehir dápteri”n qáliplestiriwge juwapker esaplanadı.
Tómendegiler “Mehir dápteri”ne maǵlıwmatlardıń tikkeley kirgiziliwin támiynleydi:
Xalıq bilimlendiriw ministrligi tárepinen onıń sistemasındaǵı Mehribanlıq úyleri, Balalar qalashaları, Respublika balalar oqıw-tárbiya mákemeleri hám Shańaraqlıq balalar úyleri;
Den-sawlıqtı saqlaw ministrligi tárepinen onıń sistemasındaǵı Balalar úyleri;
“SOS – Ózbekstan balalar máhálleleri” birlespesi tárepinen onıń sistemasındaǵı balalardı kútip qaraw xızmetleri hám sociallıq jetimliktiń aldın alıw xızmetleri hám sociallıq jetimliktiń aldın alıw xızmetleri tárbiyalanıwshıları hám pitkeriwshileri haqqındaǵı;
rayon (qala) hákimlikleriniń Balalardı qorǵaw sektorları tárepinen qáwenderlikke (ámengerlikke, patronatqa) alınǵan jetim balalar hám ata-ana qaramaǵınan ayrılǵan balalar haqqındaǵı.
Dápterge kirgizilgen balalardıń mashqala (mútájlik, qızıǵıw)ları tiyisli tártipte úyreniledi.
“Mehir dápteri”ne kirgizilgen balalardı qollap-quwatlaw jumısları tómendegiler tárepinen muwapıqlastırıladı:
rayon (qala) hákimliginiń Balalardı qorǵaw sektorı tárepinen mápdar mámleketlik uyım hám shólkemler menen birge;
Qaraqalpaqstan Respublikası Ministrler Keńesi, wálayatlar hám Tashkent qala hákimlikleriniń Balalardı qorǵaw máseleleri sekretariatları tárepinen mápdar mámleketlik uyım hám shólkemler menen birge;
Ministrler Kabinetiniń Balalardı qorǵaw máseleleri sektorı hám Milliy gvardiya tárepinen mápdar ministrlik hám keńseler menen birge.
Jetim balalar hám ata-ana qaramaǵınan ayırılǵan balalar 25 jasqa tolǵanda tiyisli qarar tiykarında “Mehir dápteri”nen shıǵarıladı.
Bunda dápterden shıǵarılıp atırǵan shaxslardıń bántligi támiynlengen hám úy-jaydı bar bolıwı shárt. Bántligi támiynlenbegen jaǵdaylarda, “Mehir dápteri” esabında turıw múddeti bántligi támiynlenbegenge shekem, biraq 5 jıldan artıq bolmaǵan múddetke uzaytıladı.