Янгиликлар
20
Qaraózek rayonı YuXKO tárepinen 2021-jıl dawamında Islengen jumıslar boyınsha esabat
Ózbekstan Respublikası Prezidentiniń 2021-jıl 29-iyun kúngi «Mámleketlik uyımları hám shólkemlerine yuridikalıq xızmet kórsetiw iskerligin jánede jetilistiriw is-ilajları haqqında»ǵı PQ-5168-sanlı qararı talaplarına muwapıq, Qaraqalpaqstan Respublikası Ádillik ministrligi janında Qaraózek rayonı Yuridikalıq xızmet kórsetiw orayı shólkemlestirilip, 2021-jıl 4-oktyabr kúninen baslap rásmiy túrde jumıs basladı.
Qaraózek rayonı Yuridikalıq xızmet kórsetiw orayına 4 shtat birligi (Oray baslıǵı, 3 bas yuriskonsult) ajıratılǵan. Oray tárepinen Ózbekstan Respublikası Prezidentiniń 2021-jıl 29-iyun kúngi «Mámleketlik uyımları hám shólkemlerine yuridikalıq xızmet kórsetiw iskerligin jánede jetilistiriw is-ilajları haqqında»ǵı PQ-5168-sanlı qararı menen tastıyıqlanǵan «Yuridikalıq xızmet kórsetiw orayları haqqında»ǵı Rejege muwapıq, búgingi kúnde Qaraózek rayonındaǵı 11 mámleketlik uyım hám shólkemler (Byudjetten tısqarı pensiya jamǵarması mekemesinen tısqarı)ge «E-huquqshunos» elektron sisteması arqalı hám tuwrıdan-tuwrı yuridikalıq xızmetler kórsetip kelinbekte.
Statistikalıq esabatlarǵa názer awdaratuǵın bolsaq, 2021-jıl dawamında jámi 1056 buyrıq, shártnamalar (654buyrıq, 402shártnama) kelip túsip, sonnan 45 buyrıq hám 26 puqaralıq shártnama nızamǵa muwapıq kelmegenligi ushın qaytarılǵan, 1 buyrıq nızamǵa muwapıq kelmegenligi ushın unamsız juwmaq berilgen, qalǵan 608 buyrıq hám 376 puqaralıq hám miynet shártnamalar nızamǵa muwapıq dep tabılǵan.
2021-jıl dawamında Orayǵa «E-huquqshunos» electron sisteması arqalı kelgen 1 buyrıq joybarı nızamǵa muwapıq kelmegenligi ushın unamsız juwmaq berilgen jaǵdayǵa qısqasha toqtap ótsek:
Bul buyrıq joybarı Qaraózek rayonı Qarjı bólimi tárepinen islep shıǵılǵan hám orayǵa huquqıy ekspertizadan ótkeriӯ ushın 12.11.2021 jılda kirgizilgen. Joybardıń mazmunı Qarjı bólimi xızmetkerlerine byudjetten tısqarı qarjılar esabınan ústemeler tólew haqqında bolǵan.
Ózbekstan Respublikası Finans ministrliginiń 2021-jıl 15-iyuldegi 87-sanlı buyrıǵına muwapıq Qaraózek rayonı qarjı bólimi xızmetkerlerine byudjetten tısqarı qarjılar esabınan ústemeler tólew haqqındaǵı buyrıq joybarında Qaraqalpaqstan Respublikası Finans ministrliginiń, Qaraózek rayonı qarjı bólimi xızmetkerlerine ústemeler tólew haqqındaǵı buyrıǵı bolmaǵanlıǵı sebepli nızam hújjetlerine muwapıq emes dep tabıldı.
Oray tárepinen 2021-jıl dawamında 92 márte huqıqıy úgit-násiyat tádbirleri ótkizildi, sonnan 88 márte awız-eki huqıqıy túsinik berildi, 2 márte Qaraqalpaqstan radiokanalı arqalı, 1 márte «Еркин Қарақалпақстан» gazetasında hám 1 márte veb-sayt arqalı úgit-násiyat jumısları ótkizildi.
Ózbekstan Respublikası Prezidentiniń 2021-jıl 29-iyun kúngi PQ-5168-sanlı qararı talaplarına muwapıq, yuridikalıq xızmet kórsetiliwi lazım bolǵan mámleketlik uyımlar hám shólkemlerge sıpatlı hám nátiyjeli yuridikalıq xızmet kórsetiliwi, olardıń huqıq hám máplerin nızamlı qorǵaw tarawında áhmiyetli jumıslar ámelge asırılıwı támiyinlenbekte.
Qaraózek rayonı yuridikalıq xızmet kórsetiw
Orayı baslıǵı: A.Reymov