Янгиликлар
20
Taqıyatas rayonı ádillik bólimi tárepinen 2021–jıl dawamında ámelge asırılǵan jumıslar boyınsha
Xabarıńız bar, birden bir mámleketlik huqıqıy siyasattı júrgiziw, norma dóretiwshiligi jumısların muwapıqlastırıw, insan huqıqların qorǵaw, ekonomikalıq hám sociallıq tarawda huqıqtı qollaw ámeliyatın úyreniw, hámde Prezident hújjetleriniń orınlanıwın qadaǵalaw boyınsha ilajlardı ámelge asırıw ádillik uyımlarınıń tiykarǵı xızmet wazıypalarınan biri bolıp esaplanadı.
Taqıyatas rayonı ádillik bólimi tárepinen 2021–jıl dawamında bir qansha jumıslar ámelge asırıldı. Qısqasha aytıp ótetuǵın bolsaq, Taqıyatas rayonı ádillik bólimi tárepinen 2021-jıl dawamında mámleketlik uyımları hám shólkemlerinde jámi 31 úyreniw hám monitoringler ótkerilip, 309 nızam buzılıw jaǵdayları anıqlandı.
Úyreniwler dawamında tiyisli mámleketlik uyımlar hám shólkemlerine 37 usınıslar kirgizilip jol qoyılǵan nızambuzılıwshılıq jaǵdayları saplastırılıwına erisildi hám xızmet wazıypalarına nemquraylıq penen qatnasta bolǵan 12 juwaplı xızmetkerge intizamiy jaza sharaları qollanıldı.
Sonday-aq, nızambuzılıw jaǵdaylarına jol qoymaw haqqında 82 uyımǵa aldın-ala eskertiwler berildi hámde is-háreketlerinde huqıqbuzarlıq belgileri bolǵan 14 shaxstıń hákimshilik juwapkershilik máselesin sheshiw haqqında tiyisli uyımlarǵa usınıslar kirgizilip, juwapkershilikke tartıldı.
Orınlanıwı májbúriy bolǵan usınıslar tiykarında xızmetkerlerdiń 4 mlrd. 720 mln. sumnan aslam is-haqıları óndirilip berildi.
Insan huqıqların qorǵaw tarawında:
Bólimge jámi 177 múrájatlar kelip túsip, 140 múrájat óz sheshimin tawıp qanaatlandırıldı, 30 múrajat iyelerine huqıqıy túsinikler berildi, 6 múrájat tiyisliligi boyınsha jiberildi hám 1 múrájat kórmesten qaldırıldı. Múrájatlarǵa muwapıq, sudlarǵa 287 mln. 641 mıń sumlıq 61 dana arzalar kirgizilip, puqaralardıń huqıqları tiklendi.
Sonıń menen birge, Ózbekstan Respublikası Prezidentiniń 2020-jıl 18-fevraldaǵı PF-5938-sanlı Pármanı talapları tiykarında arnawlı ústeme tólemleri tólenbesten qalǵan puqaralardıń ózin-ózi basqarıw uyımlarında islewshi 31 puqaranıń múrájatları úyrenilip shıǵıldı hám olardıń shaǵım arzaların qanaatlandırıw maqsetinda Sudlarǵa dawa arzaları kiritilip, bul dawa isleri házirde sud basqashında kórilip shıǵılmaqta.
Huqıqıy ekspertiza tarawında:
Bólim tárepinen rayondaǵı jergilikli mámleketlik hákimiyatı uyımınıń 8 qarar joybarı huqıqıy ekspertizadan ótkerilip, mámleketlik esapqa alınıwı támiynlengen. Bunnan tısqarı, bir usınılǵan qarar joybarı belgilengen nızamshılıq hám texnikalıq talaplarǵa ámel etpegenligi ushın qaytarıldı.
Huqıqıy úgit-násiyat hám aǵartıwshılıq tarawında:
Bólim tárepinen 365 úgit–násiyat jumısları alıp barıldı, sonıń ishinde televidenie, radio hám gazetlarda 22 márte shıǵıwlar boldı. Veb-sayt hámde sociallıq tarmaqlarda 115 ten artıq úgit-násiyat isleri alıp barıldı.
“Biypul huqıqıy másláhát penen hár bir úyge” uranı astında jańa huqıqıy másláhát beriw sistemasın shólkemlestiriw arqalı xalıqtıń huqıqıy sawatsızlıǵın joq etiw maqsetinde bólim xızmetkerleri tárepinen barlıq mákan hám awıl puqaralar jıyınlarında úyme-úy júrip puqaralarǵa huqıqıy máslahatler beriw ámeliyatı jolǵa qoyıldı.
Demek, ótken 2021-jıl dawamında ámelge asırılǵan islerdiń juwmaǵı sanlarda nátiyjeli kórinse de, tiykarında bólim iskerligine bolǵan bahanı xalqımız beredi.
Yaǵnıy, hár bir erisken nátiyjelerimiz arqasında insan hám jámiyet mápleri turǵanlıǵını tereń ańlaymız hám xızmet wazıypamızdı jánede juwapkershilik penen dawam ettiremiz.
A.P.Abatov
Taqıyatas rayonı ádillik bólimi baslıǵı