Янгиликлар
18
KEGEYLI RAYONÍ YURIDIKALÍQ XÍZMET KÓRSETIW ORAYÍ TÁREPINEN 2021-JÍLDA NÁTIYJELI JUMÍSLARI
KEGEYLI RAYONÍ YURIDIKALÍQ XÍZMET KÓRSETIW ORAYÍ TÁREPINEN 2021-JÍLDA NÁTIYJELI JUMÍSLARI
Ózbekstan Respublikası Prezidentiniń 2021-jıl 29-iyun kúngi «Mámleketlik uyımları hám shólkemlerine yuridikalıq xızmet kórsetiw iskerligin jánede jetilistiriw is-ilajları haqqında»ǵı PQ-5168-sanlı qararı talaplarına muwapıq, Qaraqalpaqstan Respublikası ádillik ministrligi janında Kegeyli rayonı Yuridikalıq xızmet kórsetiw orayı shólkemlestirilip, 2021-jıl 4-oktyabr kúninen baslap rásmiy túrde jumıs basladı.
Kegeyli rayonı Yuridikalıq xızmet kórsetiw orayı (keyingi orınlarda – Oray dep júritiledi)na 3 shtat birlikleri (Oray baslıǵı, 2 bas yuriskonsult) ajıratılǵan.
Oray tárepinen Ózbekstan Respublikası Prezidentiniń 2021-jıl 29-iyun kúngi «Mámleketlik uyımları hám shólkemlerine yuridikalıq xızmet kórsetiw iskerligin jánede jetilistiriw is-ilajları haqqında»ǵı PQ-5168-sanlı qararı menen tastıyıqlanǵan «Yuridikalıq xızmet kórsetiw orayları haqqında»ǵı Rejege muwapıq, búgingi kúnde Kegeyli rayonındaǵı 11 mámleketlik uyım hám shólkemler (Toǵay xojalıǵı mekemesinen tısqarı)ge «E-huquqshunos» elektron sisteması arqalı hám tuwrıdan-tuwrı yuridikalıq xızmetler kórsetip kelinbekte.
Statistik esabatlarǵa názer awdaratuǵın bolsaq, 2021-jıl oktyabr-dekabr aylarında jámi 766 buyrıq, shártnamalar (615 buyrıq, 151 shártnama) kelip túsip, sonnan 108 buyrıq hám 20 puqaralıq shártnama nızamǵa muwapıq kelmegenligi ushın qaytarılǵan, 507 buyrıq hám 131 puqaralıq hám miynet shártnamalar nızamǵa muwapıq dep tabılǵan, 1 buyrıq qabıl etiw ushın biykar etilgen.
Orayǵa búgingi kúnde, «E-huquqshunos» elektron sisteması arqalı kelgen hújjetlerdi qabıl etiw biykar etilgen yaki qaytarılǵan jaǵdaylarǵa qısqasha túsinik berip ótpekshimen.
Yaǵnıy, Kegeyli rayonlıq sanitariya epidemiologiyalıq tınıshlıq hám jámiyet salamatlıǵı bólimi tárepinen puqara J.Jalishovanıń úyi hám úyi átirapın dezinfekciya qılıwı nátiyjesinde keri tásir kórsetip atırǵanlıǵı boyınsha Kegeyli rayonlıq sanitariya epidemiologiyalıq tınıshlıq hám jámiyet salamatlıǵı bólimine jollaǵan awız-eki túrdegi múrájatın úyrenip shıǵıw ushın juwapker bekitiw haqqında tiykarsız buyrıq shıǵarıw jaǵdaylarına jol qoyılǵan.
Óytkeni, puqaranıń múrájatı boyınsha tiyisli tártipte awız-eki múrájatlardı dizimge alıw kartochkası arqalı juwapkerge múrájat boyınsha tiyisli wazıypa júklew lazım edi.
Sonday-aq, «Fizikalıq hám yuridikalıq shaxslardıń múrájatları haqqında»ǵı Nızam talaplarına muwapıq puqaralardıń múrájatların kórip shıǵıw ushın buyrıq shıǵarıw arqalı kórip shıǵıwdı shólkemlestiriw tártibi belgilenbegen.
Bunnan tısqarı, Kegeyli rayonı mádeniyat bólimi tárepinen 2021-jıl oktyabr ayında bólim baslıǵı S.Xojanov ózine xoshametlew pulı tólew boyınsha buyrıq joybarı tayarlanǵan.
Úyreniw dawamında, Ózbekstan Respublikası Ministrler Kabinetiniń 2021-jıl 7-sentyabrdegi “Ózbekstan Respublikası Mádeniyat ministrligi tuwrısındaǵı Rejeni tastıyıqlaw haqqında”ǵı 558-sanlı qararı talaplarına muwapıq, rayon-qala mádeniyat bólim baslıqların xoshametlew hám basqada tólemlerdi tólew Qaraqalpaqstan Respublikası Mádeniyat ministriniń buyrıǵı tiykarında ámelge asırılatuǵınlıǵı belgilengenligi málim boldı.
Sol tiykarda, joqarıdaǵı buyrıq joybarın tastıyıqlaw biykar etildi.
Mámleketimiz tárepinen jetim balalar hám ata-ana qaramaǵınan ayrılǵan balalardı sociallıq qorǵaw hámde olardı úy-jay menen támiyinlew máselelerine ayrıqsha itibar qaratılǵan.
Usı orında, Ózbekstan Respublikası Prezidentiniń 2021-jıl 9-avgustta «Jetim balalar hám ata-ana qaramaǵınan ayrılǵan balalardı mámleket tárepinen qollap-quwatlawdıń jańa sistemasın islep shıǵıw is-ilajları haqqında»ǵı PQ-5216-sanlı qararı, usı qarar tiykarında Ministrler Kabinetiniń 2021-jıl 25-oktyabrde «Jetim balalar hám ata-ana qaramaǵınan ayrılǵan balalardı sociallıq qollap-quwatlawǵa baylanıslı qosımsha is-ilajlar haqqında»ǵı 656-sanlı qararı qabıl etildi.
Joqarıda atap ótilgen, Prezidentimizdiń 9-avgust 2021-jıldaǵı PQ-5216-sanlı qararınıń 15-bánti talaplarına tiykar, jetim balalar hám ata-ana qaramaǵınan ayrılǵan balalar hámde olardı perzentlikke yaki amangerlikke, qáwenderlikke, patronatqa alǵan puqaralarǵa Yuridikalıq xızmet kórsetiw orayları tárepinen biypul yuridikalıq xızmet kórsetiw yaki huqıqıy másláhátler beriw wazıypası júkletilgen.
Mine usı baǵdarda, jetim balalar hám ata-ana qaramaǵınan ayrılǵan balalar hámde olardı perzentlikke yaki amangerlikke, qáwenderlikke, patronatqa alǵan puqaralar menen ushırasıw ótkerilip, bul puqaralarǵa Yuridikalıq xızmet kórsetiw orayınıń wazıypaları, maqseti hám baǵdarları menen keńnen tanıstırılıp, puqaralar tárepinen ámeliyatta ózleriniń qızıqtırǵan yaki mashqalaǵa aylanıp atırǵan máseleleri boyınsha bergen sorawlarına ámeldegi nızam hújjetleri talapları tiykarında huqıqıy túsinikler berildi.
Endi biz bul puqaralar menen tek ǵana auditoriyalarda ushırasıp qoymastan, Orayǵa kelgen puqaralarǵa yaki olardıń jasaw mánzillerine barıw arqalıda yuridikalıq xızmet kórsetiliwi támiyinlenedi.
Statistik esabatlarǵa kóre, búgingi kúnde Kegeyli rayonında
55 shańaraqlardıń 70 balaları ámengerlik hám qáwenderlikke, (sonnan: 31 bala ámengerlik, 39 bala qáwenderlik) 169 bala perzentlikke berilgen.
Yuridikalıq xızmet kórsetiw orayı tárepinen ámengerlik hám qáwenderlikke berilgen balalar rayondaǵı biriktirilgen juwapker sektorlar kesiminde úyrenilgende:
- 1-sektor aymaǵında 14 bala;
- 2-sektor aymaǵında 22 bala;
- 3-sektor aymaǵında 19 bala;
- 4-sektor aymaǵında 18 bala jasap kelmekte.
Bul baǵdarda, Oray tárepinen 2021-jıl oktyabr – dekabr ayları dawamında 10 baǵdar boyınsha 25 márte huqıqıy túsinikler beriliwi támiyinlenip, 1 márte radio, 1 márte gazeta hám 1 márte televidenie arqalı huqıqıy úgit-násiyat jumısları alıp barılıwı jolǵa qoyıldı.
Bunnan tısqarı, Qaraqalpaqstan Respublikası Ádillik ministrligi hám Oray tárepinen belgilengen reje grafik tiykarında yuridikalıq xızmet kórsetiliwi lazım bolǵan mámleketlik uyım hám shólkemlerge barıw arqalı taraw boyınsha nızam hújjetleri, sonday-aq miynet nızamshılıǵı, shártnamalıq-huqıqıy baza hám basqada zárúr normativ-huqıqıy hújjetlerdiń mazmun-mánisin túsindiriw jumısları alıp barıldı.
Oray tárepinen rayondaǵı yuridikalıq xızmet kórsetiliwi lazım bolǵan mámleketlik uyım hám shólkemlerdiń xızmetkerleri ortasında taraw boyınsha normativ-huqıqıy hújjetlerdiń mazmun-mánisi,
sonday-aq nızamshılıqqa kiritilip atırǵan ózgeris hám qosımshalar júzesinen
51 márte ushırasıw hám túsinik jumısları alıp barıldı.
Oray tárepinen orınlarda ushırasıwlar ótkeriw menen bir qatarda, alıp barılıp atırǵan jumısları ǵalaba xabar qurallarındada járiyalanıp kelindi.
Yaǵnıy, Oray tárepinen 2 márte radio esittiriwde, 3 márte «Qaraqalpaqstan telekanalı»nda kórsetiwler tayarlanıp, 1 márte «Kegeyli turmısı» hám 2 márte «Ǵárezsizlik hám Nızam» gazetalarına maqalalar járiyalandı.
Bunnan tısqarı, Oray tárepinen tastıyıqlanǵan reje tiykarında yuridikalıq xızmet kórsetiliwi lazım bolǵan mámleketlik uyım hám shólkemlerge barıw arqalı «E-huquqshunos» elektron sisteması menen islesiw, fizikalıq hám yuridikalıq shaxslardıń múrájatların kórip shıǵıw, sonday-aq buyrıq, biylik, shártnama hám yuridik tárizdegi hújjetlerdiń joybarların tayarlaw menen baylanıslı huqıqıy xızmetler kórsetilip kelinbekte.
Búgingi kúnde, yuridikalıq xızmet kórsetiliwi lazım bolǵan mámleketlik uyımlar hám shólkemlerdiń nızamlı máplerin gózlep sud uyımlarına dawa arza kiritiw halatları bolmadı.
Bunnan tısqarı, Oray tárepinen yuridikalıq xızmet kórsetiliwi lazım bolǵan mámleketlik uyımlar hám shólkemler tárepinen taraw boyınsha alıp barılıp atırǵan jumısları barısı wákillik sheńberinde belgilengen múddetlerde monitoring jumısların alıp barıw rejelestirilgen.
Orayǵa ótken dáwirde rayondaǵı 6-sanlı ulıwma orta bilim beriw mektep xızmetkeri I.Muratbaev Ózbekstan jaslar awqamı Qaraqalpaqstan Respublikası Keńesi tárepinen belgilengen tártipte mekteptiń jaslar jetekshisi lawazımı ushın sáwbetten unamlı ótkenligine qaramastan usı kúnge shekem mektep direktorı tárepinen usı lawazımǵa tayınlamastan tańlawdan ótpegen D.Erniyazovanı usı lawazımda islewge jol qoyıp kelgenliginen narazı bolıp jollaǵan múrájatı úyrenilip, puqaranıń múrájatt qanaatlandırıldı, nátiyjesi boyınsha puqara I.Muratbaevtı tiyisli lawazımǵa ótkeriliwi támiyinlendi.
Búgingi kúnde, yuridikalıq xızmet kórsetiliwi lazım bolǵan mámleketlik uyım hám shólkemler, sonday-aq olardıń quramındaǵı (mektepke shekemgi bilimlendiriw shólkemi, ulıwma orta bilim beriw mektepleri, poliklinika, shańaraqlıq shıpakerlik punktleri) shólkemlerdiń xızmetkerlerine xızmetlik máseleler boyınsha yuridikalıq másláhátler berilmekte.
Oray tárepinen Ózbekstan Respublikası Prezidentiniń 2021-jıl 29-iyun kúngi «Mámleketlik uyımları hám shólkemlerine yuridikalıq xızmet kórsetiw iskerligin jánede jetilistiriw is-ilajları haqqında»ǵı PQ-5168-sanlı qararı talaplarına muwapıq, yuridikalıq xızmet kórsetiliwi lazım bolǵan mámleketlik uyımlar hám shólkemlerge sıpatlı hám nátiyjeli yuridikalıq xızmet kórsetiliwi, olardıń huqıq hám máplerin nızamlı qorǵaw tarawında áhmiyetli jumıslar ámelge asırılıwı támiyinlenedi.
Kegeyli rayonı Yuridikalıq
xızmet kórsetiw orayı baslıǵı K.M.Paluaniyazov