Янгиликлар
07
Moynaq rayonı ádillik bólimi tárepinen 2021-jıl dawamında ámelge asırılǵan jumısları boyınsha málimleme
Moynaq rayonı ádillik bólimi tárepinen 2021-jıl dawamında ámelge asırılǵan jumısları boyınsha málimleme
Búgingi kúnde mámleketimizde barlıq tarawlarda keń kólemli reformalar ámelge asırılmaqta.
Sol qatarda Ádillik organları sistemasın tártipke salıw boyınsha da bir qatar huqıqıy hújjetler qabıl etildi.
Prezidentimizdiń 2018-jıl 13-aprel kúngi 3666-sanlı Pármanı menen Ádillik ministrligi jumısların jetilistiriw tarawında reformalar menen bir qatarda ádillik bólimlerine qosımsha wazıypalar júkletildi.
Birden bir mámleketlik huqıqıy siyasattı júrgiziw, norma dóretiwshiligi jumısların muwapıqlastırıw, mámleketlik hám xojalıq basqarıw, jergilikli mámleketlik hákimiyatı uyımları jumıslarında huqıqtı qollaw ámeliyatın izshil hám bir túrde támiyinlew boyınsha ilajlardı ámelge asırıw hámde insan huqıqların qorǵaw ádillik uyımlarınıń tiykarǵı wazıypası esaplanadı.
Bul baǵdarda 2021 jıl dawamında Moynaq rayonı ádillik bólimi tárepinen bir qatar jumıslar ámelge asırıldı.
Atap aytqanda, fizikalıq hám yuridikalıq shaxslardan 109 arza hám shaǵımlar kelip tusip 73 ( 79 %) qanaatlandırıldı, 20 múrájatqa huqıqıy túsinikler berildi, 14 múrájat kórip shıǵıw ushın tiytisliligi boyınsha jiberildi, 2 múrájat iyesiniń iltimasına kóre kórmesten qaldırıldı.
Múrájatlar nátiyjesinde Sudlarǵa puqaralardıń mápin gózlep 269 mln sumlıq 48 dawa arzalar kirgizilip, puqaralardıń buzılǵan huqıqları tiklendi.
Bólimge kelip túsken múrájatlar analizlengende eń kóp múrájatlar miynet hámde sociallıq qorǵaw máselelerine baylanıslı ekenligi anıqlandı.
Nızamlardıń durıs orınlanıwı, norma dóretiwshiligi iskerligi boyınsha 31 úyreniwler hám 8 monitoring ótkerildi.
Bul ótkerilgen úyreniwler hámde monitoringler nátiyjesinde 3021 nızam buzıwshılıq jaǵdayları anıqlandı. Anıqlanǵan nızamn buzılıwshılıqlarǵa jol qoymaslıq, olardıń isleniwine kómeklesiwshi sebepler hám sharyatlardı saplastırıw haqqında mákeme hám shólkemlerge jámi 33 usınıs, 39 eskertiw kirgizildi, bul usınıslar nátiyjesinde, qáte hám kemshiliklerge jol qoyǵan 10 xızmetker intizamiy juwapkershilikke tartıldı.
Bólim tárepinen rayon hákimligi hámde Xalıq deputatlar Kenesiniń 11 qarar joybarı huqıqıy ekspertizadan ótkerilip mámleketlik esapqa alındı.
Sonıń menen birge puqaralardıń huqıqıy sana hám huqıqıy mádeniyatın joqarılatıwǵa baylanıslı jumıslardıń nátiyjeliligin jáne de asırıw, puqaralardıń jámiyetlik-siyasiy ózgerisler menen sáykes túrde huqıqıy bilimlerin asırıp barıwdıń zamanagóy usılların engiziw maqsetinde 2021-jıl dawamında ádillik bólimi tárepinen «shaxs — shańaraq — máhálle — bilimlendiriw mákemesi — shólkem — jámiyet» principi boyınsha 645 úgit-násiyat jumısları (380 ǵalaba xabar qurallarında, 225 awızeki, 40 kórgizbeli ) alıp barıldı.
Jańadan qabıl etilgen 1247 normativ-huqıqıy hújjetler rayonlıq mákeme hám shólkemlerine elektron formada jetkerilip berildi.
Moynaq rayonı ádillik bólimi baslıǵı A.Dastenov