Янгиликлар
06
Bilesizbe
Bilesiz be?
Húkimet qararı (3-san, 03.01.2022-j.) menen Kóp kvartiralı úylerdi basqarıw jumısların ámelge asırıw qaǵıydaları tastıyıqlandı.
Qaǵıydaǵa muwapıq, kóp kvartiralı úylerdi basqarıw jumısları úy-jaydan paydalanıwda qolaylı hám qáwipsiz sharayatlardı jaratıw, ulıwma mal-múlkti saqlaw hám onnan paydalanıw ushın zárúr xızmetler hám islerdi qamtıp aladı.
Kóp kvartiralı úydi basqarıw uyımı úyge kiriw bóleginde tómendegi maǵlıwmatlardı turaqlı jaylastırıp barıwı shárt:
Basqarıw uyımınıń atı, mánzili, telefonı, jumıs tártibi, veb-saytı;
kommunal xızmet kórsetiwshi shólkemlerdiń baylanıs telefonları,
ońlaw jumısları waqtı;
májbúriy tólem, kórsetiletuǵın xızmetler ushın tólem muǵdarı.
Basqarıw uyımı avariya jaǵdayların saplastıratuǵın 24 saat isleytuǵın avariya-dispetcherlik xızmetin shólkemlestiriwi kerek.
Bunda avariya-dispetcherlik xızmeti múlkdarlardıń qońırawlarına 3 minuttan kóp bolmaǵan waqıtta juwap beriwi lazım.
Sonday-aq, úylerdegi kanalizaciyalar tıǵılıp qalǵanda hám pataslanıw jaǵdayları bolǵanda bul jaǵdaylar 2 saatta saplastırılıwı kerek.
Suwıq, ıssı suw, ıssılıq hám elektr támiynatı hám kanalizaciya avariyalıq buzılǵanda bul jaǵdaylar 3 kúnde saplastırıladı.