Янгиликлар
07
Taxtakópir rayon ádillik bólimi tárepinen 2021-jıldıń IV shereginde ámelge asırılǵan jumıslar haqqında M Á L I M L E M E
Taxtakópir rayon ádillik bólimi tárepinen 2021-jıldıń IV shereginde ámelge asırılǵan jumıslar haqqında M Á L I M L E M E
2021 jıldıń 4-sheregi dawamında Taxtakópir rayonı ádillik bólimi tárepinen bir qatar jumıslar ámelge asırıldı.
Insan huqıqların qorǵaw tarawı boyınsha Bólimge 2021-jıl dawamında jámi 164 múrájatlar kelip tústi, sonnan 117 múrájat qanaatlantırılǵan, 40 múrájatqa huqıqıy túsinik berilgen, 3 múrájat tiyisliligi boyınsha basqa mákeme hám shólkemlerge jiberildi hámde 4 puqaranıń múrájatı kórmesten qaldırılǵan.
Sudlarǵa jámi 135 dawa arzalar kirgizilgen. Puqaralardıń esaplanǵan biraq tólenbey kiyatırǵan jámi 1.020.293.766 sum aylıq is haqıları sudqa dawa arza kirgiziw jolı menen óndirilip alıp berilgen bolsa, bólim tárepinen insan huqıqların qorǵawǵa qaratılǵan jámi 36 dana “Usınıs”lar shıǵarılǵan. Shıǵarılǵan usınıslarǵa tiykar 10.539.501 swm pul summaları puqaralarǵa óndirip berilgen.
Ádillik bólimine kelip túsken múrájatlar analizlengende eń kóp múrájatlar pensiya napaqası, miynet, sociallıq qorǵaw hámde múrájátlar menen islesiw máselelerine baylanıslı ekenligi anıqlandı.
Sociallıq-ekonomikalıq tarawda huqıqtı qollaw ámeliyat tarawı boyınsha, ótkerilgen jámi úyreniwler hám monitoringlar 36, sonnan rayon aymaǵında jaylasqan mekeme hám shólkemlerde 2920 nızam buzıw jaǵdayları anıqlandı.
Anıqlanǵan nızambuzıwshılıqlardı saplastırıwǵa qaratılǵan tásir sharalar jámi 243 quraǵan bolıp sonnan, 135 dawa arzalar, 36 usınıs, Hákimshilik juwapkershilikke tartıw haqqında 30 usınıs, 21 xızmetkerge intizamiy jaza sharası qollanılǵan. Mákemelerge 45 Eskeritiw kirgizilgen.
Norma dóretiwshiligi tarawında bólim xızmetkerleri tárepinen nızamshlıqqa ózgeris hám qosımshalar kirgiziw boyınsha jámi 18 usınıslar kiritilgen.
Taxtakópir rayon hákimligi hám xalıq deputatları Keńesleriniń normativ-huqıqıy xarakterge iye qararları joybarları nızamshılıqqa, xalıqaralıq shártnama normalarına, mámleketimizde ámelge asırılıp atırǵan reformalardıń maqset hám wazıypalarına, nızamshılıq texnikası qaǵıydalarına muwapıqlıǵı, olardı korrupciyaǵa, basqa huqıqbuzarlıqlar júz beriwine shárayat jaratıp beretuǵın, sonday-aq fizikalıq hám yuridikalıq shaxslar ushın artıqsha hákimshilik hám basqa sheklewlerdi keltirip shıǵaratuǵın qaǵıyda hám normalardı anıqlaw boyınsha huqıqıy ekspertizadan ótkeriw boyınsha bólim tárepinen rayon hákimligine xat berilgen hámde hákim sheshimleri, xalıq deputatları Keńesleriniń sessiya qararları turaqlı túrde úyrenip barılmaqta.
Ádillik bólimi tárepinen Taxtakópir rayonı hákimi hámde Taxtakópir rayonı Xalıq deputatları Keńesiniń 11 qarar joybarları huqıqıy ekspertizadan ótkerilip mámleketlik esapqa alındı.
Rayon hákimi hám Xalıq deputatlar kenesiniń qararları reestrin úyreniw dawamında 2021-jıl 08-yanvar kúngi 20/134-sanlı normativ túske iye bolǵan qararı, Bólimniń 2021-jıl 15-yanvar kúngi 12/1-7/8-san menen usınıs kiritilip, rayon hákiminiń qararı biykar etilgen.
Huqıqıy úgit-násiyat tarawı boyınsha, Bólim tárepinen usı kúnge shekem jámi 804 huqıqıy úgit-násiyat jumısları alıp barılǵan sonnan, awızeki 286, gazetada 8, veb saytlarda 434, radioda 20 márte shıǵıwlar alıp barıldı.
Elektron formada kelip túsken normativ-huqıqıy hújjetler sanı 1193 tiyisliligi boyınsha rayondaǵı 41 mákeme, shólkemlerdiń elektron pochta, e-xat mánzillerine jiberilgen.
Huqıqıy ekspertiza hám yuridik xızmetti tarawına baylanıslı Rayon aymaǵında jámi 12 mámleketlik mákeme hám shólkemlerge yuridikalıq xızmet kórsetiw boyınsha Ózbekstan Respublikası Prezidentiniń “Mámleket organları hám shólkemleriniń yuridikalıq xızmet kórsetiw iskerligin jánede jetilistiriw is-ilájları haqqında”ǵı 2021-jıl 29-iyun kúngi qararına tiykar Qaraqalpaqstan Respublikası Ádillik ministrligi janındaǵı Taxtakópir rayonı Yuridikalıq xızmet kórsetiw orayı shólkemlestirilip, oray ıqtıyarına 1 shtat birlik kesiminde oray baslıǵı hám 3 shtat birlik kesiminde bas yuriskonsult lawazımları biriktirilgen. Búgingi kúnde oray shtat birlikleri tolıq yuridik xızmet wákilleri menen qamtılǵan.
Nesip Qalimbetov,
Taxtakópir rayonı Ádillik bólimi baslıǵı