Янгиликлар

Kem támiyinlengen shańaraqlarǵa balalar napaqası engiziledi

---

Kem támiyinlengen shańaraqlarǵa balalar napaqası engiziledi

Nızamshılıqqa  muwapıq, 2021-jıl 1-sentyabrden:

➖ 14 jasqa shekem balaları bolǵan shańaraqlarǵa napaqa hámde 2 jasqa tolǵanǵa shekem onı qaraw napaqası ornına kem támiyinlengen shańaraqlarǵa balalar napaqası (balalar napaqası) engiziledi.

Balalar napaqasın tayınlawda:

- esapqa alınatuǵın balalar jası 14 jastan 18 jasqa shekem asırıladı;
- tólew múddeti 6 aydan 12 ayǵa shekem asırıladı;
- onıń muǵdarın shańaraqtaǵı balalar sanınan kelip shıǵıp belgilew tártibi qollanıladı.

Balalar napaqasınıń hár aylıq muǵdarı:

- 250 000 sum – 3 jastan 18 jasqa shekem bolǵan bir perzent ushın, 325 000 sum – jası 3 jasqa shekem bolǵan bir kishi perzenti ushın;
- 150 000 sum – shańaraqtıń ekinshi perzenti ushın qosımsha;
- 100 000 sumnan – shańaraqtıń úshinshi hám onnan keyingi hár bir perzenti ushın.

- Jeke-jalǵız bolǵan puqaralarǵa, perzenti bolmaǵan yamasa barlıq perzentleri 18 jastan úlken bolǵan kem támiyinlengen shańaraqlarǵa materiallıq járdem tayınlanadı.

Materiallıq járdemniń aylıq muǵdarı – 380 000 sum.

Balalı shańaraqlarǵa napaqa, bala kútimi boyınsha napaqa yamasa materiallıq járdem tayınlaw ushın Pensiya qorı bólimi baslıǵı atına arza máhállege beriledi (https://lex.uz/docs/5319768).

Arzaǵa tómendegiler qosımsha etiledi:

arza beriwshi shańaraq aǵzalarınıń pasport nusqaları yamasa ID-kartaları;

shet el puqaraları, puqaralıǵı bolmaǵan shaxslardıń jasaw gúwalıqları, puqaralıǵı bolmaǵan shaxs gúwalıqları yamasa ID-kartaları hámde jasaw ornı boyınsha dizimge alınǵanlıǵı dizim beti nusqası;

balaları qáwenderlik astında bolǵan jaǵdayda, arzaǵa qáwenderlik ham ámengerlik uyımlarınıń qararı nusqası;

shańaraqtıń bar sharwa malları hám qusları haqqında maǵlıwmat;

arza beriwshi hám onıń shańaraq aǵzaları atındaǵı kommerciyalıq bank esapbetlerindegi qarjı qaldıqları hám arza berilgen aydan aldınǵı 3 ay dawamında olardıń atına ótkerilgen pul ótkermeleri boyınsha maǵlıwmatlardı Oraylıq bank tárepinen “Birden-bir reestr” MSsına usınıw haqqında arza.

Esengeldi Utepov
Insan huqıqların qorǵaw bólimi baslıǵı

---