Янгиликлар
25
Qanaatlanǵan múrájatlar boyınsha
Qanaatlanǵan múrájatlar boyınsha
Nókis rayon ádillik bólimi tárepinen 9-sanlı MShBShda tárbiyashı lawazımında islewshi puqaradan nızamsız túrde jumıs ornınan bosatılǵanlıǵına narazı bolıp jollaǵan múrájatı úrenip shıǵıldı.
Múrájáttı úyreniw barasında tómendegiler anıqlandı. Nókis rayonı 9-sanlı MShBSh direktorı 2021-jıl 4-oktyabr kúngi 108-sanlı buyrıǵı menen, 3 hám
5-sanlı 4 saatlıq qısqa múddetli toparları jabılıwına baylanıslı 0,5 stavkalı tárbiyashı lawazımlarda isleytuǵın xızmetker menen dúzilgen miynet shártnaması biykar etilgen. Xızmetker menen miynet shartnamı biykar etiliwi boyınsha kásiplik awqamı komiteti yaki xızmetkerlerdiń basqa wákillik organınıń aldınnan razılıǵı alınbaǵan hámde xızmetkerge ekskertiw xatı berilmegen.
Ózbekstan Respublikası Miynet kodeksinıń 100-statyasının birinshi bólimine tiykar, múddeti kórsetilmesten dúzilgen miynet shártnaması hám múddeti ele tamamlanbaǵan múddetili miynet shartnaması jumıs beriwshiniń baslaması menen biykar etiw tiykarlı bolıw shárt ekenligi kórsetilgen.
Kodekstın 100-statyası 2-bólimine tiykar, texnologiyalardaǵı, islep shıǵarıw hám miynetti shólkemlestiriwdegi ózgerisler, xızmetkerler sanı (shtatı) yamasa jumıs sıpatınıń ózgeriwine alıp kelgen jumıs kóleminiń qısqarǵanlıǵı yaki kárxananıń saplastırılıwı sebebi payda bolıwı miynet shártnamasın biykar etiwdiń tiykarlı ekenligin bildiredi.
Kodekstiń 101-statyasına tiykar, jámiyet kelisimi yaki jámiyet shartnamında miynet shártnamasın jumıs beriwshiniń baslaması menen biykar etiw ushın kásiplik awqamı komiteti yaki xızmetkerlerdiń basqa wákillik organınıń aldınnan razılıǵı alıw názerde tutılǵan bolsa, shártnamanı bunday razılıqtı almay turıp biykar etiwge jol qoyılmaydı.
Kodekstiń 102-statyasına tiykar, texnologiyalardaǵı, islep shıǵarıw hám miynetti shólkemlestiriwdegi ózgerisler, xızmetkerler sanı (shtatı) yamasa jumıs sıpatınıń ózgeriwine alıp kelgen jumıs kóleminiń qısqarǵanlıǵı yaki kárxananıń saplastırılıwı múnasibeti menen (100-statya ekkinshi bóliminiń 1-bánti) miynet shártnaması biykar etilgende keminde eki ay aldın jumıs beriwshiniń miynet shártnamasın biykar etiw nieti haqqında xızmetkerdi jazba túrde (qol qoydırıp) eskertiwi shárt.
Nátiyjede Nókis rayonı 9-sanlı MShBSh direktorı tárepinen Ózbekstan Respublikası Miynet kodeksi talapları buzılǵan.
Nókis rayonı ádillik bólimi tárepinen Nókis rayonı bántlikke kómeklesiw orayına 9-sanlı MShBSh direktorın hákimshilik juwapkershilikke tartıw haqqında usınıs kiritildi. Usınısqa tiykar, 9-sanlı MShBSh direktorı Ózbekstan Respublikası Hákimshilik juwapkershilik haqqındaǵı kodekstiń 49-statyası 1-bólimi menen, bazalıq esaplaw muǵdarınıń bes esesinde járiyma jazası qollanılǵan.
Nókis rayonı ádillik bólimi bas másláhatshisi J.Panabergenova