Янгиликлар
17
Qıytaq jer iyelerine kredit ajıratıladı
Nızamshılıqtaǵı jańalıqlar
Qıytaq jer iyelerine kredit ajıratıladı
“ Qıytaq jerden paydalanıw nátiyjeliligin arttırıw, sonday-aq, xalıqtıń isbilermenlik baslamaların finanslıq qollap-quwatlaw boyınsha qosımsha ilajlar haqqında”ǵı Prezident qararı (PQ–54-san, 16.12.2021-j.) qabıl etildi.
Qararǵa tiykar, Fermer, diyqan xojalıqları hám qıytaq jer iyelerin qollap-quwatlaw qorına 100 million AQSh dolları ekvivalenti muǵdarındaǵı qarız qarjıları basqıshpa-basqısh milliy valyutada 4 jıllıq jeńilletilgen dáwir menen 9 jıl múddetke jıllıq 2 procent stavkada baǵdarlanadı.
Sol tiykarda qıytaq jer iyelerine:
- qaǵıyda retinde, 100 bas qus, 5-10 bas túyetawıq, 20 bas qoyan, 5-6 bas qoy hám eshki, 5 pal-hárreleriniń uyası, intensiv usılda balıq baǵıwdı jolǵa qoyıw, sonday-aq, ıqsham ıssıxanalar, «atız dúkanların» qurıw, artezian qudıqların qazıw;
- kishi intensiv baǵshılıq, limon jetistiriw hám júzim jetistiriw;
- palız, sobıqlı, maylı eginler, kartoshka jetistiriw hám miywe-ovoщ jetistiriw ushın kredit ajıratıladı.
2026-jıl 1-yanvarǵa shekem:
- qıytaq jerde jetistirilgen ónimlerdi kepillikli satıp alıw maqsetinde qıytaq jer iyeleri menen kooperaciya tiykarında jumıs shólkemlestirgen isbilermenlik subektlerine qoymaxanalardı úskenelew, sonday-aq, keptiriw, tańlap alıw hám qadaqlaw úskenelerin satıp alıw qárejetleriniń 30 procenti muǵdarında, biraq 150 million sumnan aslam bolmaǵan kólemde subsidiya beriledi;
- suw támiynatı awır qıytaq jer iyeleri hám paydalanıwdan shıqqan maydanlardı suwǵarıw ushın vertikal suwǵarıw qudıqların burawlaw, dáryalar, kanallar hám basqa da suw obektlerinen suw shıǵarıw úskenelerin satıp alıw hám ornatıw qárejetleriniń bir bólegin qaplaw tártibi ámel etedi.
Qararǵa tiykar, 2022-jılda suw támiynatı awır aymaqlardaǵı xalıq tarmaqların suwǵarıw ushın jámi 113 rayonda 2 150 vertikal suwǵarıw qudıqları iske túsiriledi.
2022-jıl 1-aprelge shekem puqaralar ushın mólsherlengen, xalıq qıytaq jerlerinde jetistirilgen awıl xojalıǵı ónimlerin marketpleys usulında satıwdı jolǵa qoyıw, awıl xojalıǵı ónimleri jetistiriw boyınsha onlayn másláhátler kórsetiwshi arnawlı platforma jumısları jolǵa qoyıladı.
Platformaǵa jalǵanıw hám xızmetlerden paydalanıw biypul boladı.