Янгиликлар
14
Basım hám zorlıqtan jábirlengenler biypul emlenedi
Nızamshılıqtaǵı jańalıqlar
Basım hám zorlıqtan jábirlengenler biypul emlenedi
“Awır sociallıq jaǵdayda qalǵan hayal-qızlar huqıqları kepilliklerin támiynlew boyınsha qosımsha ilajlar qabıl etilgenligi múnásibeti menen Ózbekstan Respublikasınıń ayırım nızam hújjetlerine qosımsha xám ózgeris kirgiziw haqqında”ǵı Nızam (736-sanlı Nızam, 09.12.2021-j.) Prezident tárepinen imzalandı.
Nızam menen “Puqaralardın ózin-ózi basqarıw uyımları haqqında”ǵı Nızamǵa kirgizilgen qosımshalarǵa kóre:
Puqaralar jıyınına – hayal-qızlar xám balalarǵa qarata basım ótkergen xám zorlıq islegen yamasa usınday islerge meyil bolǵan shaxslardı anıqlawda, usı shaxslar menen alıp barılatuǵın profilaktika islerinde qatnasıw wákilligi;
Puqaralar jıyını baslıǵına – basım xám zorlıqqa ushıraǵan xámde bul haqqında murájat etken hayal-qızlardı qorǵawǵa baylanıslı ilajlardı belgilew, usı faktler haqqında tiyisli hayallardı reabilitaciya qılıw xám maslastırıw oraylarına xámde ishki isler uyımlarına dárhal xabar beriw wákilligi berildi.
“Hayal-qızlardı basım xám zorlıqtan qorǵaw haqqında”ǵı Nızamǵa kirgizilgen qosımshalarǵa kóre:
-Miynet uyımları tárepinen shańaraqlıq mashqalalarǵa xám zorlıq isletiliwine dus kelgen hayal-qızlar bántligin támiynlew xám kásipke baǵdarlawǵa kómeklesiw;
- Den-sawlıqtı saqlaw uyımları tárepinen basım hám zorlıqtan jábirleniwshilerge hám olardıń balalarına birlemshi medicinalıq járdem kórsetiw, olardı medicinalıq kórikten ótkeriw, sonday-aq basım hám zorlıqtan jábirleniwshilerdi biypul emlew ilajları kóriledi.
Usı Nızam rásmiy járiyalanǵan kúnnen baslap kúshke kiredi.