Янгиликлар
13
Nızamshılıqtaǵı jańalıqlar Ipoteka krediti boyınsha subsidiyalardı tólewde kvartira maydanınıń eń kóp normaların belgilew ámeliyatı biykar etiledi
Nızamshılıqtaǵı jańalıqlar
Ipoteka krediti boyınsha subsidiyalardı tólewde kvartira maydanınıń eń kóp normaların belgilew ámeliyatı biykar etiledi
“Bazar principlerine tiykarlanǵan ipoteka kreditleri arqalı xalıqtı turaq jay menen támiyinlewge baylanıslı qosımsha ilajlar haqqında”ǵı Prezident Pármanı (PP–33-san, 09.12.2021-j.) qabıl etildi.
Pármanǵa tiykar, 2021-jıl 10-dekabrden:
- dáramatı joqarı bolmaǵan hám turaq jay sharayatların jaqsılawǵa mútáj puqaralarǵa Mámleketlik byudjetten subsidiyalar tólewde kvartira maydanınıń eń kóp normasın belgilew ámeliyatı biykar etiledi;
- dáslepki tólemniń bir bólegin qaplaw ushın subsidiyalar – qatań belgilengen 32 million sum muǵdarında, payız tólemleriniń bir bólegin qaplaw ushın subsidiyalar – birinshi 5 jıl dawamında 10 payızdan asqan bólegine tólenedi;
- dáslepki tólem hám procent tólemleriniń bir bólegin qaplaw ushın subsidiyalar satıp alınıp atırǵan kvartiranıń bahası ipoteka kreditiniń eń kóp muǵdarınan artqan jaǵdayda da tólenedi. Bunda, satıp alınatuǵın kvartiranıń bahası ipoteka kreditiniń eń kóp muǵdarınan artqan jaǵdayda, bahanıń qalǵan bólegi qarız alıwshı tárepinen óz qarjıları hám nızamshılıqta qadaǵan etilmegen basqa da qarjılar esabınan dáslepki tólem summasın arttırıw arqalı tólenedi;
- puqaralarǵa ipoteka kreditin alıwda, birgelikte qarız alıwshı sıpatında olar menen birge jasamay atırǵan hám jaqın tuwısqanı bolmaǵan basqa shaxslardı da tartıw huqıqı beriledi.
Sonday-aq, elektron onlayn-aukcion jeńipmazlarına jer uchastkası bahasınıń 30 payızın aukcion juwmaqlanǵan kúnnen baslap 5 jumıs kúninen keshiktirmey, qalǵan bólegin 12 ay dawamında teń muǵdarda payızsız bólip-bólip tólew huqıqı beriledi.
2022-jıl 1-yanvardan baslap jumıstı bólip alıp islewshi shólkemlerge mámleketlik dizimnen ótkerilgen qurılısı tamamlanbaǵan, tóbesin jabıw jumısları orınlanǵan kóp kvartiralı turaq jaylardı krelit támiynatı sıpatında girewge beriwge ruqsat etiliwi múmkin.
2023-jıl 1-yanvarǵa shekem cement ónimi (SEJ TN kodi 2523) hám energiya únemlewshi bazalt qaplamaları (SEJ TN kodi 6806 1000 08) importında bajıxana bajısınıń nol stavkası qollanıladı
.
Sonday-aq, 2022-jıl hayal-qızlar, mayıplıǵı bolǵan shaxslar, jetim balalar hám ata-ana qaramaǵınan ayırılǵan balalarǵa 1 000 dana kvartira satıp alıw ilajları kóriledi.
2021-jılı ipoteka kreditleri boyınsha subsidiyalar ajıratıwdıń maqsetli parametrleri sheńberinde:
- subsidiya beriw haqqındaǵı xabarnamanı alıw boyınsha arzalar 2021-jıl 20-dekabrge shekem qabıl etiletuǵını hám 2021-jıl 25-dekabrge shekem kórip shıǵılatuǵını;
- subsidiya beriw haqqındaǵı xabarnamalar olar berilgen waqıttan baslap 12 ay dawamında ámel etetuǵını;
- subsidiya beriw haqqındaǵı xabarnamanı alǵan shaxslarǵa ipoteka kreditleri hám subsidiyalar 2021-jıl 10-dekabrge shekem ámeldegi shártler hám muǵdarlarda ajıratılatuǵını;
- 2022-jıl ushın ipoteka kreditleri boyınsha subsidiyalar ajıratıwdıń maqsetli parametrleri sheńberinde arzalar 2021-jıl 25-dekabrden baslap qabıl etiletuǵını belgilep qoyıldı.