Янгиликлар
10
Suw resurslarınan nátiyjeli paydalanıw dáwir talabı
Suw resurslarınan nátiyjeli paydalanıw dáwir talabı
2020-jıldıń 5-dekabr kúni Ózbekstan Respublikası Prezidentiniń Qaraqalpaqstan Respublikasında suw resurslarınan nátiyjeli paydalanıw hám jerlerdiń meliorativlik jaǵdayın jaqsılaw boyınsha keshiktirip bolmaytuǵın ilajlar haqqında»ǵı qararı qabıl etildi.
Qarar menen Qaraqalpaqstan Respublikasında suw xojalıǵı obektlerin qurıw hám rekonstrukciyalaw, suwdı únemleytuǵın suwǵarıw texnologiyaların keńnen engiziw, jerlerdiń meliorativlik jaǵdayın jaqsılaw, suw resursları hám elektr energiyasınan paydalanıwdıń avtomatlasqan qadaǵalawın jolǵa qoyıw jáne ilim jańalıqların óndiriske keńnen engiziw arqalı suw shıǵınların azaytıp, kanallardıń paydalı jumıs koefficientin arttırıw jáne suwǵarılatuǵın jer maydanların suw menen isenimli támiyinlew boyınsha keshiktirip bolmaytuǵın ilajlardı ámelge asırıw maqsetinde:
- 2021-2023-jıllarda Ózbekstan Respublikası respublikalıq byudjet qarjıları esabınan Qaraqalpaqstan Respublikasında irrigaciya hám melioraciya obektlerin qurıw, rekonstrukciyalaw jáne melioraciya obektlerin ońlaw hám tiklew jumıslarınıń mánzilli dizimi (1-qosımsha);
- 2021-2023-jıllarda Qaraqalpaqstan Respublikasında jergilikli byudjet qarjıları esabınan irrigaciya sistemaların ońlaw hám tiklew jumıslardınıń prognoz kórsetkishleri (2-qosımsha);
- 2021-2023-jılları Qaraqalpaqstan Respublikasında suwdan paydalanıwshılar awqamı, klasterler jáne fermer xojalıqlarınıń óz qarjıları esabınan suwǵarıw tarmaqların ońlaw hám tiklew jumıslarınıń prognoz kórsetkishleri (3-qosımsha);
-2021-2023-jılları Qaraqalpaqstan Respublikasında suwdı únemleytuǵın suwǵarıw texnologiyaların engiziwdiń prognoz kórsetkishleri (4-qosımsha);
-2021-2023-jılları Qaraqalpaqstan Respublikasındaǵı suw xojalıǵı obektlerin basqarıw, suwdı esapqa alıw hám monitoring júrgiziwde sanlı texnologiyalardı engiziw prognoz kórsetkishleri (5-qosımsha);
-2021-2023-jılları Qaraqalpaqstan Respublikası Suw xojalıǵı ministrligi sistemasındaǵı nasos stanciyalarında elektr energiyasınan paydalanıwdı sanlı texnologiyalar járdeminde «onlayn» rejiminde qadaǵalawdı engiziw prognoz kórsetkishleri (6-qosımsha);
-2021-2023-jılları Qaraqalpaqstan Respublikası nasos stanciyaları hám irrigaciya sistemalarınıń kanalların mámleketlik-jeke menshik sheriklik principleri tiykarında jeke menshik sektorǵa beriw prognoz kórsetkishleri (7-qosımsha) tastıyıqlandı.
Qararda Ózbekstan Respublikası suw xojalıǵı ministrine , Qaraqalpaqstan Respublikası Ministrler Keńesiniń Baslıǵı hám Qaraqalpaqstan Respublikası rayonlarınıń hákimlerine usı qararda belgilengen ilajlardıń óz waqtında hám sapalı ámelge asırılıwı boyınsha jeke juwapkershilik júkletildi.
Usı qarardıń 1-qosımshasında kelitirilgen joybarlar, sonday-aq, 2-qosımshasında belgilengen prognoz kórsetkishleri sheńberinde orınlanatuǵın joybarlar hár bir joybardıń nátiyjeliligi hám maqsetke muwapıqlılıǵınan kelip shıqqan halda, joybarlarda belgilengen qurılıs, rekonstrukciyalaw jáne ońlaw hám tiklew jumısları boyınsha tayarlanǵan tiyisli joybarlaw hújjetleri tiykarında ámelge asırıladı.
Hár bir joybardıń joybarlaw-smeta hújjetleri islep shıǵılǵannan soń Qaraqalpaqstan Respublikası Ministrler Keńesi hám rayonlardıń hákimlikleri, Suw xojalıǵı ministrligi, Awıl xojalıǵı ministrligi, Ózbekstan fermer, diyqan xojalıǵları hám qıytaq jer iyeleri keńesi, suwdan paydalanıwshılar awqamları hám basqa da mápdar shólkemlerdiń qatnasıwında jáne erkin ekspertlerdi tartqan halda dodalanadı jáne olardıń unamlı sheshimi tiykarında belgilengen tártipte ámelge asırıladı.
Usı qarardıń 2-qosımshasında belgilengen prognoz kórsetkishlerdiń orınlanıwı ushın talap etiletuǵın qarjılardı jergilikli byudjet esabınan ajıratıladı.