Янгиликлар
29
Yuridikalıq xızmet kórsetiw orayı iskerliginen
Yuridikalıq xızmet kórsetiw orayı iskerliginen
Ózbekstan Respublikası Prezidentiniń 2021-jıl 29-iyun kúngi “Mámleketlik uyımlar hám shólkemlerde yuridikalıq xızmet kórsetiw iskerligin jánede jetilistiriw is-ilájları haqqında”ǵı qararı qabıl etilgen edi.
Usı qarar tiykarında Qanlıkól rayonındada yuridikalıq xızmet kórsetiw orayı shólkemlestirilgen edi. Bul oray óz iskerligin mámleket mákemelerine yuridikalıq xızmet kórsetiw barısında “E-huquqshunos” elektron sisteması arqalı hújjetler almasılıwı menen ámelge asırıp kelmekte. Mákemeler tárepinen yuridikalıq áhmiyetke iye hújjetler joybarları “E-huquqshunos” sistemasına kiritilip, oray xızmetkerleri tárepinen úsh jumıs kúni ishinde yuridikalıq ekspertizadan ótkeriliwi támiyinlenip atır. Házirgi kúnge shekem oray elektron sistemasına 839 hújjet kelip túsken bolsa, sonnan 751 hújjetke nızamshılıqqa sáykesligi boyınsha ,69 hújjetke nızamshılıqqa muwapıq emesligi boyınsha huqıqıy juwmaq berilgen. Oray xızmetkerleri tárepinen reje tiykarında ózleri yuridikalıq xızmet kórsetetuǵın mákemelerine barıp, miynet nızamshılıǵı, korrupciyaǵa qarsı gúresiw tarawındaǵı normativ- huqıqıy hújjetlerdiń mazmun mánisin túsindiriw isleri jolǵa qoyılǵan.
Ózbekstan Respublikası Ádillik ministrligi tárepinen ótkizilip atırǵan ulıwma milliy Konstituciya imtixanına qatnasıw boyınsha, imtixanda qatnasıw ıqtıyarlı, biypul hám hámme ushın ashıq ekenligi, qatnasıw ushın dizimnen ótiw tártibi tuwralı úgit-nasiyat isleri oray xızmetkerleri tárepinen alıp barılmaqta
Qanlıkól rayonı yuridikalıq xızmet
kórsetiw orayı baslıǵı J.Ótemisova