Янгиликлар

Ministrliklerdiń aymaqlıq bólimleri bir imaratqa jaylastırıladı

---

Ádillik xabarı

Ministrliklerdiń aymaqlıq bólimleri bir imaratqa jaylastırıladı

Mámleketlik basqarıw uyımları hám hákimlikler nátiyjeliligin asırıw arqalı xalıq párawanlıǵın támiyinlew hám “mobil basqarıw apparatı”n jaratıw maqsetinde 2022–2023-jıllarǵa mólsherlengen Jańa Ózbekstan hákimshilik reformalar baǵdarlamasın islep shıǵıw boyınsha shólkemlestiriw ilajları haqqındaǵı Prezident Biyligi qabıl etildi.

Biylikke kóre, Jańa Ózbekstan hákimshilik reformaları baǵdarlaması joybarına usınıslar islep shıǵılıwında tómendegiler baslı baǵdar esaplanadı:

- mámleketlik basqarıw uyımlarınıń statusın belgilew;

- qaytalanıwshı wazıypa hám funkciyaların qısqartırıw;

- basshı orınbasarlarınıń baǵdarlar kesimindegi juwapkershilik shegaraların anıq belgilew;

- ministrlik hám keńseler shtat birliklerin optimallastırıw;

- basqarıw processin avtomatlastırıw, is júrgiziwin tolıq sanlastırıw;

- “Ashıq keńse” joybarın ámelge asırıw;

- mámleketlik xızmetlerin tolıq sanlastırıw hám puqaralardıń áweregershiligine shek qoyıw;

- ministrlik hám keńselerdiń ayırım funkciyaların mámleketlik emes sektorǵa ótkeriw;

- tiyisli ministrlik hám keńselerdiń aymaqlıq bólimlerin bir hákimshilik imaratqa jaylastırıw arqalı xalıqqa “Bir ayna” sisteması tiykarında xızmet kórsetiw;

- kadrlardı tańlaw tiykarında hám keń báseki ortalıǵında jumısqa qabıl etiwdi tolıq engiziw;

- óz ústinde islemeytuǵın hám juwapkershilikli bolmaǵan kadrlarǵa qarata “jámáátlik tásir”di ámelge asırıw;

- ministrlik hám keńselerde birden-bir kadrlar reytingin júritiw;

- mámleketlik xızmetshiler tárepinen alınatuǵın kepillengen biypul xızmetler paketin islep shıǵıw;

- tender hám tańlawlardı ashıq-aydın halda ótkeriw  sistemasın jetilistiriw;

- xalıq deputatları Keńesleriniń máhállelerdegi bar mashqalaların sheshiwdegi rolin  asırıw;

- jergilikli wákillikli uyımlarda turaqlı tiykarda jumıs islewshi deputatların korpusın qáliplestiriw;

- hákimler, olardıń orınbasarları hám másláhátshileriniń wákillik shegarasın anıq belgilew.

---