Янгиликлар
25
Aralboyı regionındaǵı isbilermenlerge salıq jeńillikleri beriledi
Nızamshılıqtaǵı jańalıqlar
Aralboyı regionındaǵı isbilermenlerge salıq jeńillikleri beriledi
Aralboyı regionında isbilermenlikti jedel rawajlandırıwǵa baylanıslı qosımsha ilajlar haqqındaǵı Prezident Pármanı (PP-25-san, 23.11.2021-j.) qabıl etildi.
Pármanǵa tiykar, 2022-jıl 1-yanvardan:
2031-jıl 1-yanvarǵa shekem Qaraqalpaqstan Respublikasınıń Moynaq rayonındaǵı jergilikli sanaat, awıl xojalıǵı hám xızmetler tarawlarındaǵı isbilermenlik subektleri ushın:
-payda salıǵı, aylanıstan alınatuǵın salıq, sociallıq salıq, fizikalıq táreplerden alınatuǵın dáramat salıǵı boyınsha ornatılǵan salıq stavkaların 1 procent etip belgilew;
-múlk salıǵı, jer salıǵı hám suw resurslarınan paydalanǵanı ushın salıq stavkaların usı salıqlar boyınsha esaplanǵan summadan 1 procent muǵdarında belgilew;
Qaraqalpaqstan Respublikası Ózbekstan Respublikası Prezidentiniń 2021-jıl 25-avgusttaǵı «Investiciyalıq joybarlardı sırtqı infrastruktura menen támiyinlew ilajları haqqında»ǵı PQ-5233-sanlı qararına muwapıq zárúr sırtqı injenerlik-kommunikaciya tarmaqları menen mámleketlik byudjettiń qarjıları esabınan támiyinlenetuǵın investiciyalıq joybarlardıń bahası 50 milliard sum muǵdarında belgilendi.
2022-jıl 1-yanvardan 2027-jıl 1-yanvarǵa shekem Aralboyı regionında jumıs islep atırǵan:
- kishi isbilermenlik subektlerine kárxana qurılıs ushın zárúr bolǵan ásbap-úskeneler hám texnikalardı respublikanıń basqa aymaqlarınan alıp keliw jáne olar tárepinen islep shıǵarılatuǵın joqarı qosımsha qunǵa iye ónimlerdi respublikamızdıń basqa da aymaqlarına jetkerip beriw menen baylanıslı temir jol transportında tasıw qárejetleriniń 50 procent bólegin qaplap beriw;
-* jergilikli eksportshılar tárepinen islep shıǵarılǵan joqarı qosımsha qunǵa iye ónimlerdi eksport etiwde, olardıń Kaspiy teńizine shekem tasıw menen baylanıslı transport qárejetlerin tolıq qaplap beriw tártibi engizildi.