Янгиликлар
18
Bayraǵım –maqtanıshım
Bayraǵım –maqtanıshım
Usı jılı mámleket suverenitetiniń nıshanlarınan biri- ǵarezsiz Ózbekstan Respublikasınıń “Mámleketlik bayraǵı haqqında” ǵı nızamı qabıl etilgenine 30 jıl toladı. Mine usı nızamnıń 2-3-statyalarında bayraǵımız Ózekstan Respublikası mámleketlik suverenitetiniń nıshanı ekenligi, xalıqaralıq qatnasıqlarda Ózbekstan Respublikasınıń tımsalı bolıwı belgilep qoyıldı. Bunda Ózbekstan Respublikası Oliy Kengashınıń 1991-jıl 18-noyabrdegi náwbetten tısqarı VII sessiyasında tastıyıqlanǵan nızamǵa kόre, mámleket bayraǵı –mámleket suverenitetiniń tımsalı esaplanıp, dúnya júzinde ǵárezsiz Ózbekstan mámleketi bar ekenligin ańlatadı hám όzinde milliy – mádeniy qádiriyatlardı jámlestiredi.
Xalqımızdıń maqtanıshına aylanǵan, boyın bálent tiklegen sportshılarımızdıń jeńislerinde xalıqaralıq maydan boylap keń qulashın jazǵan bayraǵımız hár qashanǵıdan da jáne de qádirlirek boldı desek aljaspaǵan bolamız. Sebebi mámleket bayraǵı hám ondaǵı hár bir belgi, reń, shuǵla búgingi Ózbekstan Respublikasınıń ǵárezsizliginen derek beredi. Bayraǵımızdaǵı hawa reń—tirishilik mazmunı sáwlelengen ashıq aspan hám mángilik belgisi. Tımsallar tilinde bul jaqsılıq, danıshpanlıqtı, hadallıqtı, sadıqlıqtı bildiredi. Sonı da aytıw kerek Amir Temur mámleketiniń de bayraǵı hawa reń bolǵan. Aq reń -tınıshlıq nıshanı bolıp, páklik, ápiwayılıq, tazalıq, ishki gózallıqqa umıtılıwdıń tımsalı.
Jasıl reń - tábiyattıń jańalanıw nıshanı. Qızıl sızıqlar bolsa, tamırımızda aǵıp atırǵan ata-babalar qanı-ómirlik qúdiret, jetiskenlik hám dawamlılıqtıń belgisi.
Nawqıran yarım ay belgisi biziń tariyxıy dástúrlerimiz benen baylanıslı bolıp, ol qolǵa kiritilgen ǵárezsizligimiz tımsalı sanaladı.
Mámleketimiz bayraǵındaǵı 12 juldız da tarıiyxıy dástúrler, eski jılnamamızǵa tikkeley baylanıslı. On eki juldızǵa bolǵan itibar Watanımız aymaǵında bolǵan eski mámleketleri ilim jolında “Nujum ilim” tiykarında rawalanǵanlıǵı menen túsindiriledi.
Mámleketimiz bayraǵınıń huqıqıy negizi konstitutsiyamızda kepillengen bolıp, konstitutsiyamızdıń 5-statyasına kόre, Ózbekstan Respublikasında nızam menen tastıyıqlanǵan όz mámleketlik nıshanları—bayraǵı, gerbi hám gimnine iye.
Quwanıshlı tárepi, Qaraqalpaqstan Respublikasında, wálayatlarda, Tashkent qalasında, qala hám rayon oraylarında sonday biyik bálentliktegi ústinlerde bayraǵımızdıń jelbirep turıwınıń όzi jaslarda patriotlıq sezimin asırıwı, al basqalarǵa quwanısh sezimin beriwi bayraǵımızdıń bálentligi mámleketimiz abırayı hám dańqınıń joqarlawın ańlatadı.
Xojeli rayonı yuridikalıq
xızmet kόrsetiw orayınıń
bas yuriskonsulti S.B. Aytmuratov