Янгиликлар
12
Baspasóz konferenciyası ótkerildi
Baspasóz konferenciyası ótkerildi
Búgin Qaraqalpaqstan Respublikası Ádillik ministrligi tárepinen 2021-jıldıń 9 ayı dawamında ámelge asırılǵan jumısları boyınsha baspasóz konferenciyası bolıp ótti.
Ádillik ministri orınbasarı tárepinen 9 ay dawamında ámelge asırılǵan jumıslar, tarawdaǵı jańalıqlar boyınsha maǵlıwmat berildi.
021-jıl dawamında ministrlik hám rayon (qala) ádillik bólimleri tárepinen bir qatar unamlı jumıslar ámelge asırıldı.
Atap aytqanda, usı jıldıń 9 ayı dawamında jámi 3.477 múrájatlar kelip túsip, sudlarǵa
5 mlrd. 897 mln sumlıq dawa arzalar kirgizilip, puqaralardıń huqıqları tiklendi.
Nızamlardıń durıs orınlanıwı hám huqıqtı qollaw ámeliyatı boyınsha 960 shólkemde úyreniw hám monitoringler ótkerilip, onda 103 mıń 788 nızambuzıwshılıq jaǵdayları anıqlandı.
Sonday-aq, mákeme hám shólkemlerge jámi 622 usınıslar kirgizildi. Bul usınıslarǵa tiykar, mámleketlik uyımlardıń 147 qararları biykar etildi, 245 shaxslarǵa qarata intizamiy jaza sharaları qollanıldı, kirgizilgen usınıslar tiykarında 2 mlrd. 506 mln. 849 mıń sum pul qarjıları qaytarıldı, 166 shaxslar hákimshilik juwapkershilikke tartıldı, jınayıy is qozǵaw haqqında 4 usınıslar tiyisli uyımlarǵa kirgizilgen, sonday-aq, tiyisli tártipte 1192 eskertiwler kirgizilgen.
Huqıqıy xızmet kórsetiw tarawında xalqımızǵa 137 mıń 263 notarial xızmetler kórsetilip, 26 mlrd. 154 mln. sumǵa jaqın mámleketlik bajı óndirilgen.
Sonday-aq, kórsetilgen pullı huqıqıy xızmetler ushın 10 mlrd. 380 mln. sum, gerb jıyımı ushın 1 mlrd. 600 mln. sum muǵdarındaǵı pul qarjıları óndirilgen.
Advokatura tarawında:
Búgingi kúnde Respublika aymaǵında jámi 145 advokatlıq dúzilmeleri óz iskerligin kórsetip atırǵan bolsa, usınnan
2 advokatlar kollegiyası, 5 advokatlar firması hámde 138 advokatlıq byuroları jumıs islep kelmekte.
Yuridikalıq xızmetlerdiń jumısların muwapıqlastırıw tarawında:
Bugingi kúnde Qaraqalpaqstan Respublikasındaǵı 138 mámleketlik uyımları hám shólkemlerinde jámi 146 yuridikalıq xızmet shtat birligi bar. Jumıs islep atırǵan yuridikalıq yuridikalıq xızmet xızmetkerleri 134 ti quraydı.
2021-jıldıń ótken dáwiri dawamında 78 yuridikalıq xızmet xızmetkerleri lawazımına hújjeti kelip túsip, sonnan 66 yuridikalıq xızmet xızmetkeri sáwbetten ótip lawazımına tayınlanıwına kelisim berildi. Qalǵan 12 xızmetker sáwbetten óte almaǵanlıǵı ushın lawazımǵa tayınlanıwǵa kelisim berilmedi.
Huqıqıy ekspertiza tarawında:
Ádillik ministrligi hám rayon (qala) ádillik bólimleri tárepinen Qaraqalpaqstan Respublikası Ministrler Keńesi hám jergilikli mámleketlik hákimiyatı uyımlarınıń 108 qarar joybarları huqıqıy ekspertizadan ótkerilip mámleketlik esapqa alınıwı támiyinlendi.
Belgilengen talaplarǵa ámel etpey usınılǵan 12 qarar joybarları huqıqıy ekspertizadan ótkerilmey qaytarıldı.
Huqıqtı qollaw ámeliyatı tarawı boyınsha 444 mákemede 990 nan aslam normativ- huqıqıy hújjetler analizlengende 651 den nızambuzıwshılıq jaǵdayları anıqlanıp, anıqlanǵan nızambuzıwshılıqlardıń kelip shıǵıw shárt-sharayatları, olardı boldırmaw boyınsha analizlengen maǵlıwmat tayarlanıp, nızambuzıwshılıqlardı saplastırıw boyınsha 11 usınıs, 5 hákimshilik usınıs sudlarǵa kigizilip, orınlanıwı támiyinlendi.
Bunnan basqa, ministrlik hám rayon (qala) ádillik bólimleri tárepinen nızamshılıqtı jetilistiriw boyınsha jámi 331 usınıs berildi.
Mámleketlik emes kommerciyalıq emes shólkemleri tarawında:
Respublikada 2021-jılda 1-oktyabr halatına jámi 639 mámleketlik emes kommerciyalıq emes shólkemleri bar bolıp, sonnan 432 mámleketlik, 207 esap diziminen ótkerilgen.
Sonday-aq, házirde 54 diniy shólkemler óz iskerligin kórsetpekte.
Huqıqıy úgit-násiyat hám aǵartıwshılıq tarawında:
Ministrlik hám rayon (qala) ádillik bólimleri tárepinen jámi 9552 huqıqıy úgit-násiyat jumısları alıp barılǵan bolsa, sonnan ǵalaba xabar quralları arqalı 6812, awızeki 2237, jazba hám kórgizbeli tárizde 494 úgit-násiyat jumısları alıp barıldı.
Nızam hújjetlerin mámleketlik organları hám shólkemlerine jetkeriliwi boyınsha:
Ministrlikke 2021-jıl 9 ayı dawamında jámi 963 normativ-huqıqıy hújjetler kelip túsken.
Sonnan Ózbekstan Respublikası Nızamları sanı 61, Prezident hújjetleri 238 (Pármanlar 65, Qararlar 173), Ministrler Kabineti qararlar sanı 421 hámde 243 ministrlikler, mámleketlik komitetler hám vedomostvalardıń buyrıqları hám qararları óz waqtında tiyisli orınlawshılarǵa jiberiliwi támiyinlendi.
Baspasóz konferenciyası ótkerildi
Búgin Qaraqalpaqstan Respublikası Ádillik ministrligi tárepinen 2021-jıldıń 9 ayı dawamında ámelge asırılǵan jumısları boyınsha baspasóz konferenciyası bolıp ótti.
Ádillik ministri orınbasarı tárepinen 9 ay dawamında ámelge asırılǵan jumıslar, tarawdaǵı jańalıqlar boyınsha maǵlıwmat berildi.
Bunnan soń, qatnasıwshılar tárepinen múrájatlar menen islew, ayırım nızamshılıq hújjetleriniń ámeliyatta qollanıw máseleleri, xalqımızǵa huqıqıy maǵlıwmatlardı jetkeriw boyınsha soraw, usınıs hám pikirleri tıńlandı.