Янгиликлар
10
Paxta jıyım-terim qárejetlerin finanslastırıw sisteması jetilistiriledi
Nızamshılıqtaǵı jańalıqlar
Paxta jıyım-terim qárejetlerin finanslastırıw sisteması jetilistiriledi
"Paxta shiyki zatın jetistiriw hám onıń jıyım-terim qárejetlerin finanslastırıw sistemasın jetilistiriw ilajları haqqında"ǵı Prezident qararı (PQ–2-san, 10.11.2021-j.) qabıl etildi.
2022-jıl óniminen paxta jetistiriwdi hám jıyım-terimin Awıl xojalıǵın mámleket tárepinen qollap-quwatlaw qorınan finanslatırıwdıń tómendegi tártibi engiziledi:
- paxta jetistiriw hám jıyım-terimdi jeńillikli finanslastırıw klasterler hám Tuqımshılıqtı rawajlandırıw orayındaǵı elita tuqımshılıq xojalıqları arqalı ámelge asırıladı;
- banklar tárepinen Qor resurslarınan tómendegiler ushın jeńillikli kreditler ajıratıladı:
▪️ paxta-toqımashılıq klasterlerine paxta jetistiriw ushın – paxta bahasınıń 60 payızına shekem muǵdarda jıllıq 10 payız 24 ayǵa, 18 aylıq jeńillikli dáwir hám 19-aydan baslap sońǵı 6 ay dawamında teń úleslerde qaytarıw shárti menen;
▪️elita tuqımshılıq xojalıqlarına paxta jetistiriw ushın – paxta bahasınıń 60 payızına shekem 10 payız stavkada 14 ayǵa;
▪️paxta-toqımashılıq klasterleri hám elita tuqımshılıq xojalıqlarına paxta jıyım-terimin finanslastırıw ushın – paxta bahasınıń 20 payızına shekem muǵdarda jıllıq 10 payız 12 ayǵa, 3 aylıq jeńillikli dáwir menen.
paxta-toqımashılıq klasterlerine paxta satıp alıw boyınsha aqırǵı esap-kitap ushın 12 ayǵa shekem milliy valyutadaǵı kreditler boyınsha payız stavkasınıń Oraylıq bank tiykarǵı stavkasınan asatuǵın, biraq 10 payız punktinen kóp bolmaǵan bólegin qaplaw ushın Qor esabınan kompensaciya tólenedi.
Awıl xojalıǵı ónimleri jetistiriwshiler mineral tógin, janılǵı-maylaw, texnikaǵa baylanıslı máseleler, olardı import etiwdi ǵárezsiz sheshedi, buǵan hár qanday tárizde aralasıw qadaǵan etiledi.