Янгиликлар
09
Olimpiya hám paralimpiya rezervleri kolledjleri shólkemlestiriledi
Nızamshılıqtaǵı jańalıqlar
Olimpiya hám paralimpiya rezervleri kolledjleri shólkemlestiriledi
“Sport tálimi sistemasın túp-tiykarınan jetilistiriw arqalı alimpiya hám paralimpiya sport túrleri boyınsha sportshılar rezervin qáliplestiriw sapasın jánede asırıw ilajları haqqında”ǵı Prezident qararı (PQ–5279-san, 05.11.2021-j.) qabıl etildi.
Qararǵa kóre, Olimpiya rezervleri kolledjleri negizinde Tálimniń xalıqaralıq standart klassifikaciyasınıń
5-dárejesine say tálim mákemesi formasındaǵı olimpiya hám paralimpiya rezervleri kollejleri shólkemlestiriledi.
2022/2023-oqıw jılınan (2022-jıl 1-sentyabrden):
➖ olimpiya hám paralimpiya rezervleri kolledjleri kontingenti tek ǵana olimpiya hám paralimpiya sport túrleri boyınsha qáliplestiriledi (bunnan milliy gúres hámde óz aldına Húkimet qararları menen belgilengen sport túrleri bunnan tısqarı);
➖ Ózbekstan Milliy paralimpiya komiteti usınısına tiykar usı kolledjlerdiń tiyisli paralimpiya sport túrleri bólimlerine jiberilip atırǵan fizikalıq imkaniyatı sheklengen hám mayıplıǵı bolǵan sportshılar ushın 10 payızǵa shekem qosımsha kvotalar ajıratıladı;
➖ tálim processi ulıwma orta bilimlendiriw hám orta arnawlı professional tálim basqıshlarında ámelge asırıladı;
➖ olimpiya hám paralimpiya rezervleri kolledjleri, sonday-aq, balalar-óspirimler sport mektepleri hámde qanigelestirilgen balalar –óspirimler sport mekteplerinde qabıllaw kvotaları erkekler hám hayallar ushın 2024/2025-oqıw jılınan teń túrde belgilenedi (2022/2023-oqıw jılında hayallar úlesi 30 payız, 2023/2024-oqıw jılında – 40 payız, 2024/2025-oqıw jılında – 50 payızdı quraydı);
➖ oqıwshılardı tegin (jeńillikli) awqatlandırıw qárejetlerin bir bólegin qaplaw ushın ata-analar tólemi biykar etiledi.
2022-jıl 1-avgusttan aymaqlarda intalı jaslardı anıqlaw, tańlaw hám saylap alıw (selekciya) arnawlı sport sistemasın basqarıw platforması arqalı ámelge asırıladı.