Янгиликлар
31
Yuridikalıq universitetke kiriw test sınaqları blogında ózgeris boladı
Yuridikalıq universitetke kiriw test sınaqları blogında ózgeris boladı
Tashkent mámleketlik yuridikalıq universitetine oqıwǵa kiriwde 2023-2024-oqıw jılınan baslap test sınaqlarınıń 2-blogı, yaǵnıy yurisprudenciya bakalavriat tálim baǵdarına sáykes pánler boyınsha tariyx pániniń ornına huqıqıy pánlerdi kirgiziw máselesi universitet keńesinde kórip shıǵıldı hám maqullandı.
«Huquqiy axborot» kanalınıń jazıwınsha, bul usınıstıń engiziliwi birneshe unamlı nátiyjelerge xızmet etedi, atap aytqanda:
– mektep jasınan baslap balalardı huqıqıy pánlerdi tereń ózlestiriwge, Konstituciya hám nızamlardı puqta úyreniwge;
– mekteplerde sapalı, xalıqaralıq standartlarǵa sáykes yuridikalıq sabaqlıqlardıń jaratılıwına;
– huqıqtanıw pánlerinen bilim beretuǵın muǵallimlerge qoyılatuǵın talaplardıń artıwı nátiyjesinde olardıń qánigeligin turaqlı túrde arttırıp barıw ushın bekkem tiykar jaratıladı;
– Tashkent mámleketlik yuridikalıq universitetine dáslepki huqıqıy bilimlerge iye bolǵan jas áwlad wákilleri kirip keliwine erisiledi.
Maǵlıwmat ornında atap ótiw kerek, házirgi waqıtta Tashkent mámleketlik yuridikalıq universitetine oqıwǵa kiriwde abiturientler 2 bólimnen ibarat bolǵan 5 pán kompleksinen test sınaqların tapsıradı. Bular:
– 1-bólimde barlıq baǵdarlar ushın májbúriy 3 pán – ana tili (ózbek, rus yamasa qaraqalpaq tili), matematika hám Ózbekstan tariyxı;
– 2-bólimde yurisprudenciya tálim baǵdarı boyınsha 2 pán – tariyx hám shet tili pánleri.
Qosımsha etiw orınlı, házirgi waqıtta ulıwma orta bilim beriw mekteplerinde 4 jıl dawamında joqarı klasslarda Mámleket hám huqıq tiykarları jáne Konstituciyalıq huqıq tiykarları pánleri oqıtıp kelinbekte. Málim etiliwinshe, test sorawları usı sabaqlıqlar tiykarında dúziledi.