Янгиликлар
01
Shaxsqa baylanıslı maǵlıwmatlardı qorǵaw boyınsha talaplardı buzǵanlıǵı boyınsha juwapkershilik kúsheytirildi
Nızamshılıqtaǵı jańalıqlar
Shaxsqa baylanıslı maǵlıwmatlardı qorǵaw boyınsha talaplardı buzǵanlıǵı boyınsha juwapkershilik kúsheytirildi
"Ózbekstan Respublikasınıń ayırım nızam hújjetlerine ózgeris hám qosımshalar kirgiziw haqqında"ǵı Nızam (726-sanlı Nızam, 29.10.2021-j.) Prezident tárepinen imzalandı.
Nızam menen, atap aytqanda, Hákimshilik juwapkershilik haqqındaǵı kodekske ózgeris kirgizildi.
Oǵan kóre, málimleme texnologiyalarınan paydalanǵan halda, sonıń ishinde Internette puqaralardıń shaxsqa baylanıslı maǵlıwmatlar bazalarında shaxsqa baylanıslı maǵlıwmatlardı jıynawǵa, sistemalastırıwǵa hám saqlawǵa baylanıslı talaplarǵa ámel etpew puqaralarǵa BEMnıń 7 esesi (1 mln 890 mıń sum), lawazımlı shaxslarǵa bolsa 50 esesi (13 mln 500 mıń sum) muǵdarında járiyma salıwǵa sebep boladı.
Nızam menen sonday-aq, Jınayat kodeksine kirgizilgen ózgeriske kóre, usı qılmıs hákimshilik jaza qollanılǵannan keyin bir jıl dawamında qayta islengen jaǵdayda tómendegi jaza sharalarınan biri qollanıladı:
- BEMnıń 150 esesine shekem (40 mln 500 mıń sumǵa shekem) muǵdarda járiyma;
-3 jılǵa shekem arnawlshı huqıqtan ayırıw;
-2 jılǵa shekem miynet penen dúzetiw jumısları.
Usı ózgerisler nızam kúshke kirgen kúnnen baslap 3 ay ótkennen keyin kúshke kiredi.