Янгиликлар
27
Jetim balalar hám ata-ana qaramaǵınan ayırılǵan balalardı úy-jay menen támiyinlew tártibi belgilendi
Nızamshılıqtaǵı jańalıqlar
Jetim balalar hám ata-ana qaramaǵınan ayırılǵan balalardı úy-jay menen támiyinlew tártibi belgilendi
Húkimet qararı (656-san, 25.10.2021-j.) menen Jetim balalar hám ata-ana qaramaǵınan ayırılǵan balalardı úy-jay menen támiyinlew tártibi haqqındaǵı reje tastıyıqlandı
Rejege kóre, jetim balalar hám ata-ana qaramaǵınan ayırılǵan balalarǵa úy-jaylar wálayat hákimlikleri tárepinen bazardaǵı kóp kvartiralı úylerden ajıratıladı.
Bunda oqıw-tárbiya mákemeleri hám rayon (qala) hákimlikleri balalardı mákemede bolıw múddeti tamamlanıwınan bir jıl aldın úy-jayǵa mútáj retinde “onlayn-náwbet”ke kirgizip beredi.
Balalarǵa 18 jasqa tolǵan jılda:
➖ kóp kvartiralı úy-jaylardan ulıwma maydanı 25 kvadrat metrden kem bolmaǵan
1 xanalı;
➖ er jetken jetim balalar hám ata-ana qaramaǵınan ayırılǵan balalar ortasında neke dúzilgen hallarda, 50 kvadrat metrden kem bolmaǵan 2 xanalı kvartiralar ajıratıladı.
Úy-jaylar múlkke iyelik etiw huqıqı tiykarında, biraq 30 jasqa tolǵanǵa shekem onı satıw huqıqısız beriledi.
Rejege kóre, úy-jaylar rayon hákimligi tárepinen ajıratılıp, jasaw ushın barlıq zárúr sharayatlarǵa iye halda tapsırıladı.
Úy-jay menen támiyinleniw halatı haqqındaǵı maǵlıwmatlar hár ayda jańalanadı hám Xalıq bilimlendiriw ministrligi rásmiy veb-saytında jaylastırıp barıladı.
Úy-jay beriw haqqındaǵı qarar tiykarında rayon (qala) hákimligi order beredi hám usı order berilgen úy-jayǵa kóship kiriw ushın tiykar esaplanadı.
Orderler “onlayn-navbat” málimleme sistemasındaǵı qatań izbe-izlik tiykarında beriledi.
Úy-jay order berilgen kúnnen 10 kúnnen keshikpey notarial rásmiylestiriledi.
Qararǵa kóre sonday-aq, 2022-jıl 1-yanvardan:
● jetim balalar hám ata-ana qaramaǵınan ayırılǵan balalardıń úy-jayǵa mútájligi “Sociallıq qorǵaw birden-bir reestri” málimleme sisteması arqalı anıqlanadı;
● jetim balalar hám ata-ana qaramaǵınan ayırılǵan balalardı perzentlikke, qáwenderlikke (ámengerlikke, patronatqa) alıw “Qáwenderlik hám ámengerlik” elektron platforması arqalı onlayn múrájatqa tiykar ámelge asırıladı.
2022/2023-oqıw jılınan “Sociallıq is” bakalavriat tálim baǵdarında “Qáwenderlik” hám “Ámengerlik” tarawı boyınsha joqarı maǵlıwmatlı kadrlar tayarlaw jolǵa qoyıladı.