Янгиликлар
26
Nızamshılıqtaǵı jańalıqlar
Nızamshılıqtaǵı jańalıqlar
"Ózbekstan Respublikası Prezidenti jumısınıń kepillikleri haqqında"ǵı Nızamǵa qosımsha kirgizildi (724-sanlı Nızam, 25.10.2021-j.)
Kirgizilgen qosımshaǵa kóre, Ózbekstan Respublikası Prezidenti Ózbekstan Respublikası Prezidentiniń belgisi hám shtandartına (bayraǵına) iye boladı.
Usı Nızam rásmiy járiyalanǵan kúnnen baslap kúshke kiredi.
Maǵlıwmat ornında:
Shtandart – arnawlı túrdegi bayraq. Sırt el mámleketlerinde ol Prezidentlik belgisi (simvolı) esaplanadı. Shtandart (bayraq) Prezident qatnasatuǵın barlıq áhmiyetli ilajlarda, inauguraciya (ant qabıl etiw) waqtında hámde Prezident rezidenciyalarınıń imaratları hám xızmet xanalarında kóteriledi.
Prezident belgisi – Prezidenttiń parıqlawshı rásmiy belgisi. Bul belgi Prezidentlik lawazımına saylanǵan shaxstı óz lawazımına júkletilgen awır wazıypalardı nátiyjeli ámelge asırıwında xalıq hám jámiyet tárepinen bildirilgen isenim belgisi retinde xızmet etedi. Prezident belgisi usı lawazımǵa saylanǵan shaxsqa lawazımǵa kirisiw waqtında ol ant qabıl etkennen keyin tapsırıladı hám konstituciyalıq wákillik múddeti tamamlanǵanǵa shekem Prezidentte saqlanadı.