Янгиликлар

Nızamshılıqtaǵı jańalıqlar

---

Nızamshılıqtaǵı jańalıqlar

Xalıqtı sociallıq qorǵaw sisteması jetilistiriledi

Húkimet qararı (654-san, 21.10.2021-j.) menen Kem támiyinlengen shańaraqlardı “Sociallıq qorǵaw birden-bir reestri” málimleme sisteması arqalı anıqlaw, olarǵa kem támiyinlengen shańaraqlar balaları ushın napaqa hám materiallıq járdem tayınlaw hám tólew tártibi haqqındaǵı reje tastıyıqlandı.

Rejege kóre, islewshi analar yamasa olardıń ornın basıwshı shaxslar (byudjet shólkemlerinde isleytuǵın analar yamasa olardıń ornın basıwshı shaxslar bunnan tısqarı) bala 2 jasqa jetkenge shekem onı kútip qaraw ushın beriletuǵın hár aylıq napaqanı alıw múddeti tamamlanǵannan soń balalar napaqasın alıwı múmkin.

Balalar napaqası shańaraqtaǵı balalar sanınan kelip shıǵıp tayınlanadı.

Balalar napaqası 12 ay múddetke tayınlanadı, biraq shańaraqtıń eń kishi yamasa jalǵız balası tiyislinshe 18 jasqa tolǵan aydıń aqırına shekem tólenedi.

Materiallıq járdem bala(balalar)sız yamasa barlıq balaları 18 jastan úlken shańaraqlarǵa hám jalǵız puqaralarǵa 6 ay múddetke tayınlanadı.

Shańaraq:
-2021-jıl 1-sentyabrden – shańaraqtıń hár bir aǵzasına jámi bir aylıq ortasha dáramat 440 mıń sumnan aspaǵanda;
-2022-jıldan baslap – shańaraqtıń hár bir aǵzasına jámi bir aylıq ortasha dáramat minimal tutınıw qárejetleri muǵdarınan aspaǵanda kem támiyinlengen dep esaplanadı.

Balalar napaqası hám materiallıq járdem tiyisli arzalarǵa tiykar “Birden-bir reestr” AS arqalı kem támiyinlengen shańaraq dep tabılǵannan keyin tayınlanadı.

Hár bir shańaraq tárepinen arza tapsırıw hám "Birden-bir reestr” ASna kirgiziw bir ayda bir márte ámelge asırıladı.

Balalar napaqası hám materiallıq járdem arza beriwshi múrájat etken aydan keyingi aydan baslap  tólenedi.
Qararǵa kóre, 2022-jıl martqa shekem fizikalıq shaxslardıń dala qıytaq jer maydanları dizimi qáliplestirilip, tiyisli maǵlıwmatlar “Sociallıq qorǵaw birden-bir reestri” málimleme sistemasına usınılıp barıladı.

---