Янгиликлар
15
Nızamshılıqtaǵı_jańalıqlar
Nızamshılıqtaǵı_jańalıqlar
Salıqlardı bólip-bólip tólew imkaniyatı beriledi
“Ózbekstan Respublikasınıń ayırım nızam hújjetlerine ózgeris hám qosımshalar kirgiziw haqqında”ǵı Nızam(722-sanlı Nızam, 14.10.2021-j.) Prezident tárepinen imzalandı.
Nızam menen Salıq kodeksine bir qatar ózgerisler kirgizildi.
Atap aytqanda, Kodekstiń 99-statyasına kirgizilgen ózgeriske kóre, Mámleketlik salıq komiteti salıqlardı, sonday-aq aylanbadan alınatuǵın salıqtı belgilengen tártipte mal-múlkti girewge bermegen halda, kepilliksiz yamasa bank kepilligisiz bólip-bólip tólew imkaniyatın usınıwǵa haqlı ekenligi belgilendi (bunda dáramat salıǵı, sociallıq salıq, tólem dereginde alınatuǵın payda salıǵı bunnan tısqarı).
Sonday-aq, 100-statyaǵa kirgizilgen qosımshaǵa kóre, iskerlikti 3 jıldan artıq waqıttan berli ámelge asırıp atırǵan, salıqlardı óz waqtında tólegen, biraq finanslıq jaǵdayı salıq qarızın múddetinde tólew imkaniyatına iye bolmaǵan mápdar shaxslarǵa salıqlardı bólip-bólip tólew imkaniyatı beriliwi múmkin.
Kodekstiń 378-statyasına kirgizilgen ózgerislerge kóre, salıq tólewshiniń Ózbekstan Respublikasınıń professional (kásip-óner mektepleri, kolledjler, texnikumlar) hám joqarı oqıw orınlarında bilim alıw (óziniń, sonday-aq 26 jasqa tolmaǵan perzentleriniń yamasa kúyewiniń (hayalınıń) bilim alıwı) ushın jóneltiriletuǵın dáramatları salıqqa tartılmaydı (aldın bull jeńillik tek ǵana joqarı oqıw ornı ushın qollanılǵan).