Янгиликлар
16
Nızamshılıqtaǵı_jańalıqlar
Nızamshılıqtaǵı_jańalıqlar
ID-kartaǵa iye aydawshılardan aydawshılıq gúwalıǵın kórsetiw talap etilmeydi
“Ishki isler uyımları iskerligine zamanagóy málimleme texnologiyaların keńnen engiziw ilajları haqqında”ǵı Húkimet qararı (645-san, 15.10.2021-j.) qabıl etildi
Qararǵa kóre, 2022-jıl 1-marttan:
Tómendegi xızmetler Birden-bir interaktiv mámleketlik xızmetler portalı arqalı elektron formada kórsetiledi:
➖ Ózbekstanǵa sırt mámleket puqarasın mirát etiw;
➖ sırt mámlekette Ózbekstan puqaralıǵın tastıyıqlaw boyınsha tiyisli hújjetler hám maǵlıwmatnamalar alıw;
➖ sudlanǵanlıq (sudlanbaǵanlıq) haqqındaǵı maǵlıwmatlar alıw;
➖ avtotransport qurallarında qadaǵan bar ekenligin tekseriw;
➖ jazanı orınlaw mákemeleri hám mánzil koloniyalarında saqlanıp atırǵanlardı olardıń jaqın aǵayinleri menen ushırasıw waqtın belgilew.
Aydawshınıń jol-patrul xızmeti inspektorına usınıwı lazım bolǵan hújjetleri qasında bolmaǵan jaǵdayda olar arnawlı planshet qurılması járdeminde identifikaciya ID-kartası arqalı tekseriledi.
Bunda, identifikaciya ID-kartaǵa iye puqaralarǵa tiyisli transport quralı aydawshısınan tómendegilerdi talap etiw ámeliyatı biykar etiledi:
➖ jańa úlgidegi aydawshılıq gúwalıǵı;
➖ transport quralın dizimnen ótkergenligi haqqındaǵı, transportqa iyelik etiw, iyesi joqlıǵında onnan paydalanıw yamasa oǵan biylik etiw huqıqın tastıyıqlawshı hújjetler;
➖ transport iyeleriniń puqaralıq juwapkershiligin májbúriy qamsızlandırıw boyınsha qamsızlandırıw polisi.
2022-jıl 1-fevralǵa shekem qamsızlandırıw shártnamaları haqqındaǵı maǵlıwmatlar birden-bir málimleme sistemasına tolıq kirgiziledi.
Qarar menen sonday-aq, Ishki isler uyımları sistemasına málimleme texnologiyaların engiziw boyınsha ilajlar baǵdarlaması tastıyıqlandı.