Янгиликлар
12
Student jaslar hám saylaw forumı ótkerildi
Men_saylawda_qatnasaman
Student_jaslar_hám_saylaw_forumı_ótkerildi
11-oktyabr kúni Berdaq atındaǵı Qaraqalpaq mámleketlik universitetinde respublikamızdaǵı joqarı oqıw orınları student jasları qatnasında «Student-jaslar hám saylaw» forumı bolıp ótti.
Forumǵa Ádillik ministrligi aǵa másláhátshisi Z.Bazarbaeva qatnastı.
Saylaw nızamshılıǵı hám oǵan kirgizilgen nızamshılıqtaǵı jańalıqlar, saylaw aldı úgit-násiyatın alıp barıw, saylawshılardıń saylawda qatnasıw tártibi, múddetinen aldın hám turǵan ornında dawıs beriw boyınsha maǵlıwmatlar berildi.
Ashıq sáwbetlesiw formasında ótkerilgen ushırasıwda student jaslar menen olardıń saylaw nızamshılıǵı boyınsha bilimlerin tekseriw maqsetinde soraw-juwaplar ótkerildi. Óz gezeginde studentler de ózleriniń qızıqtırǵan sorawlarına juwaplar aldı.
Quwanıshlı tárepi sonda, qatnasıwshı jaslarımız saylaw nızamshılıǵınan xabardar, Prezident saylawında qatnasıw arqalı óz keleshegi ushın dawıs beretuǵınlıǵın bildirmekte.