Янгиликлар
07
Nızamshılıqtaǵı jańalıqlar
Nızamshılıqtaǵı jańalıqlar
Sociallıq qorǵawǵa mútáj jaslardıń aydawshılıqqa tayarlaw kurslarında oqıw qárejetleri kompensaciya etiledi
“Sociallıq qorǵawǵa mútáj jaslardı qollap-quwatlawdıń qosımsha ilajları haqqında”ǵı Húkimet qararı (617-san, 2021-jıl 4-oktyabr) qabıl etildi
Qarar menen “Mehribanlıq” úyleri, Balalar qalashaları hám shańaraqlıq balalar úylerinde tárbiyalanǵan hámde “Jaslar dápteri”ne kirgizilgen jaslardı qollap-quwatlawǵa baylanıslı tómendegi waqtınsha tártipler tastıyıqlandı:
-usı jaslarǵa avtomototransport quralları aydawshıların tayarlaw kurslarında oqıw qárejetlerin kompensaciya qılıw boyınsha– BEMnıń 4 esesine shekem kompensaciya beriledi;
- mobilizaciyalıq shaqırıw rezervindegi xızmetti ótew tólemin qaplaw boyınsha.
Sonday-aq, jeke shólkemlerge jumısqa qabıl etilgen, “Jaslar dápteri”ne kirgizilgen jaslardı kásipke qayta tayarlaw kurslarında oqıtıw qárejetlerin kompensaciya etiw boyınsha waqtınshalıq tártip tastıyıqlandı.
Bunda usı qárejetlerdiń 50 payızı kompensaciya etiliwi názerde tutılǵan.
Bunnan tısqarı, qarar menen “Jaslar dápteri”ne kirgizilgen jaslardıń shet tiller hám ulıwma bilimlendiriw pánleri boyınsha mámleketlik emes bilimlendiriw shólkemlerinde oqıw qárejetleriniń bir bólegin hámde olar boyınsha milliy sertifikatlar alıw ushın ótkeriletuǵın imtixanlardı tapsırıw qárejetlerin qaplap beriw tártibi belgilendi.