Янгиликлар
12
Nızamshılıqtaǵı jańalıqlar
Nızamshılıqtaǵı jańalıqlar
“Balalardı qollap-quwatlaw jámiyetlik fondı iskerligin shólkemlestiriw ilajları haqqında”ǵı Prezident qararı (PQ–5255-san, 04.10.2021-j.) qabıl etildi
Balalar jámiyetlik fondınıń eń áhmiyetli wazıypaları tómendegilerden ibarat:
- awır jaǵdayǵa túsken, sociallıq qorǵawǵa mútáj balalardı anıqlaw hám olarǵa mánzilli sociallıq hám materiallıq járdem kórsetiw ilajların shólkemlsetiriw hám qarjılandırıw;
- balalardıń ómiri ushın qáwip salıwshı awır, sozılmalı jáne az ushırasatuǵın (orfan) keselliklerge óz waqtında diagnoz qoyıw hám olardı respublikamızda yamasa zárúr jaǵdaylarda sırt ellerde emlew ushın medicinalıq, sociallıq hám materiallıq járdem kórsetiwdiń qosımsha mexanizmlerin engiziw;
- járdemge mútáj shańaraqlardıń perzentleri jáne imkaniyatı sheklengen balalardı biypul dári quralları, medicinalıq hám protez-ortopediyalıq buyımlar menen támiyinlew;
- fizikalıq yamasa psixikalıq rawajlanıwında nuqsanı bolǵan balalardıń bilim alıwında járdemlesiw, sonıń ishinde, arnawlı oqıw ádebiyatları hám oqıw quralları menen támiyinlew;
- mayıplıǵı bolǵan balalardı sociallıq beyimlestiriw, olarǵa qızıǵıwshılıqlarınan kelip shıǵıp kásip-óner úyretiw hám olardı úy sharayatında ózin-ózi bánt etiw ushın ásbap-úskeneler menen támiyinlew;
- awır diagnozlı kesellikleri bolǵan balalardı tárbiyalap atırǵan kem támiyinlengen shańaraqlardı qáwenderlikke alıw;
- mayıplıǵı bolǵan balalardı sociallıq qollap-quwatlawǵa baylanıslı, sonıń ishinde, olarǵa joqarı texnologiyalıq qánigelesken reabilitaciyalıq ilajlardı shólkemlestiriw hám qarjılandırıw.
Balalar jámiyetlik fondı salıqlardıń barlıq túrlerinen azat etiledi (sociallıq salıq bunnan tısqarı).
2024-jıl 1-yanvarǵa shekem Balalar jámiyetlik fondı tárepinen tiyisli dizimler boyınsha emleniwge mútáj balalar ushın alıp kelinetuǵın dári ónimleri, medicina úskeneleri hám protezlew quralları bajıxana tólemlerinen (QQS hám bajıxana rásmiylestiriwi jıyımlarınan tısqarı) azat etiledi.
2021-jıl 1-dekabrge shekem Balalar jámiyetlik fondı platforması hám birden-bir elektron bazası jumısı jolǵa qoyıladı.