Янгиликлар
06
Nızamshılıqtaǵı jańalıqlar
Nızamshılıqtaǵı jańalıqlar
Huqıqbuzarlıq islegen shaxs jetkerilgen zıyandı qaplap, jábirleniwshi menen jarassa, juwapkershilikten azat etiliwi múmkin
Hákimshilik juwapkershilik haqqındaǵı kodekske qosımsha hám ózgerisler kirgiziw haqqındaǵı Nızam (720-sanlı Nızam, 04.10.2021-j.) qabıl etildi.
Nızam menen Hákimshilik juwapkershilik haqqındaǵı kodekske jarasqanlıǵı múnásibeti menen hákimshilik juwapkershilikten azat etiw institutı kirgizildi.
Oǵan kóre, Kodekstiń bir qatar statyalarında názerde tutılǵan hákimshilik juwapkershilikti islegen shaxs, eger ol óz ayıbın moyınlasa, jábirleniwshi menen jarassa hám jetkerilgen zıyandı qaplasa, hákimshilik juwapkershilikten azat etiliwi múmkin.
Hákimshilik juwapkershilik haqqındaǵı isti kórip shıǵıwshı uyım (lawazımlı shaxs) táreplerdiń jarasıwı múnásibeti menen isti sudqa jiberiw haqqında qarar shıǵaradı hám hákimshilik juwapkershilikten azat etiw haqqındaǵı máseleni sheshiw ushın is materialların sudqa jiberedi.
Jábirleniwshi yamasa onıń nızamlı wákili jarasıw haqqındaǵı arzanı is wákillikli uyımlar (lawazımlı shaxslar) tárepinen kórip shıǵılıwı waqtında, sonday-aq sud dodalawınıń qálegen basqıshında, biraq sud qarar shıǵarǵanǵa shekem beriwi múmkin.
Eger is boyınsha bir neshe jábirleniwshi bolsa, tek ǵana barlıq jábirleniwshiler menen jarasıwǵa erisilgen jaǵdayda, jarasıw haqqındaǵı isti júritiw múmkin.
Huqıqbuzarlıqtı bir jıl ishinde qayta islegen shaxs táreplerdiń jarasıwı múnásibeti menen hákimshilik juwapkershilikten azat etilmeydi.