Янгиликлар
25
“Shańaraq kúni” ótkerildi
“Shańaraq kúni” ótkerildi
Shańaraq – bul har birimiz ushın eń muqaddes dárgáy, ornın almastırıp bolmaytuǵın qádirdan insanlarımız hám har dayım quwanısh, saǵınısh penen asıǵatuǵın watan ishindegi kishi watanımız esaplanadı.
Búgin ministrligimizde eń qádirli insanlarımız miymanda boldı, “Shańaraq kúni” ótkerildi.
“Shańaraq kúni”n ótkeriwden tiykarǵı maqset olarǵa ata-anası, ata-apası jumıs islep atırǵan jumıs ornı, ministrlik iskerligi menen tanıstırıwdan ibarat.
Dáslep balajanlarımız ushın Quwırshaq teatrı tárepinen tayarlanǵan “Dos bolayıq” atamasındaǵı sahnalıq kórinisi qoyıp berildi. Balalar ushın qızıqlı viktorinalar ótkerildi.
Bunnan soń, olar ministrlik boylap sayaxat etti, bayram dasturxanı atirapında óz ara doslastı hámde estelik ushın súwretke tústi.
Balalar kózindegi quwanısh, xosh keypiyat álbette olardıń ata-anaları ushın da kúnniń kewilli ótiwine úles qospaqta.