Янгиликлар
24
Mámleketlik funkciyalardı jeke sektorǵa ótkeriw tártibi belgilendi
Nızamshılıqtaǵı jańalıqlar
Mámleketlik funkciyalardı jeke sektorǵa ótkeriw tártibi belgilendi
Húkimet qararı (596-san, 23.09.2021-j.) menen Mámleketlik funkciyaların jeke sektorǵa ótkeriw tártibi haqqındaǵı reje tastıyıqlandı.
Rejege kóre, Ekonomikalıq rawajlanıw hám kámbaǵallıqtı qısqartırıw ministrligi (ўákillikli uyım) mápdar ministrlik hám keńseler menen birge hár jılı:
- 15-fevralǵa shekem mámleketlik basqarıwdaǵı nátiyjesiz hámde eksklyuziv funkciyalardı tolıq xatlawdan ótkeredi;
- 20-martqa shekem anıqlanǵan nátiyjesiz mámleketlik funkciyaların jeke sektorǵa ótkeriw imkaniyatın analizleydi;
- 20-mayǵa shekem jeke sektorǵa ótkeriw imkaniyatı bar bolǵan mámleketlik funkciyalarınıń ekonomikalıq nátiyjeliligin analizleydi hám jeke sektorǵa ótkeriliwi usınıs etiletuǵın mámleketlik funkciyalarınıń juwmaqlawshı dizimin qáliplestiredi;
- 1-iyulǵa shekem jámiyetshilik dodalawın ótkerip, mámleketlik funkciyalarına uqsas bolǵan jumıs tájiriybesine iye jeke sektor sub'ektleriniń dáslepki dizimin qáliplestiredi;
- 1-avgustqa shekem jeke sektorǵa ótkeriw usınıs etilgen mámleketlik funkciyaları dizimin dúzedi hám tiyisli juwmaqlar menen birge Ministrler Kabinetine kirgizedi;
- 1-oktyabrge shekem Húkimet tárepinen maqullanǵan mámleketlik funkciyaların jeke sektorǵa ótkeriw boyınsha normativ-huqıqıy hújjet joybarın islep shıǵadı.
Soǵan kóre, Mámleketlik funkciyalarınıń birden-bir reestrin qáliplestiriw hám júritip barıwǵa qaratılǵan elektron maydansha jaratıladı.
Mámleketlik funkciyaları autsorsing, kraudsorsing, mámleketlik sociallıq buyırtpası, akkreditaciya, sertifikatlastırıw hámde basqa mexanizmlerdi qollaǵan halda jeke sektorǵa ótkeriledi.