Янгиликлар
23
Nızamshılıqtaǵı jańalıqlar
Nızamshılıqtaǵı jańalıqlar
Kóshpes múlkti ijaraǵa beriw shártnamaları salıq uyımlarında esapqa qoyıladı
“Salıq tólewshilerdi esapqa alıwdı jánede jetilistiriw hám qosılǵan qun salıǵınıń ornın qaplaw tártibin ápiwayılastırıw ilajları haqqında”ǵı Húkimet qararı (595-san, 22.09.2021-j.) qabıl etildi.
Qararǵa kóre:
- qáwipke tiykarlanǵan jantasıwdı qollaw ámeliyatı QQS tólewshilerdi salıq uyımlarında arnawlı dizimnen ótkeriw tártip-qaǵıydalarına qollanıw menen keńeytiriledi;
- intizamlı salıq tólewshilerge ornı qaplanıwı lazım bolǵan QQS summasın qaytarıw tezlestirilgen tártipte ámelge asırıladı;
QQS tólewshilerdi salıq uyımlarında arnawlı dizimnen ótkeriwde arzalar 7 kún ishinde kórip shıǵıladı.
Arzanı kórip shıǵıw nátiyjeleri sol múddette usınılmaǵanda, QQS tólewshige arnawlı dizimnen ótkerilgenligi haqqında gúwalıq avtomatik túrde beriledi.
2022-jıl 1-yanvardan QQS tólewshiler hám ustav qorında mámleketlik úlesi 50 payızdan kóbirek muǵdarda bolǵan yuridikalıq shaxslar ushın tómendegiler májbúriy esaplanadı:
- tiykarǵı qurallar, materiallıq emes aktivler hám tovar-materiallıq resurslardı esapqa alıw hámde óz ustav fondın qáliplestiriw hám kemeytiriw menen baylanıslı barlıq operaciyalardı mámleketlik salıq uyımınıń “E-aktiv” avtomatlastırılǵan avtomat sistemasında sáwlelendiriw;
- xojalıq jumısları dawamında tovar-materiallıq rezervler saqlaw múddeti tamamlanǵannan keyin joq etilgende hám esaptan shıǵarılǵanda 3 jumıs kúninen keshiktirmesten “E-aktiv” AASda sáwlelendiriw.
2022-jıl 1-yanvardan yuridikalıq shaxslar tárepinen kóshpes múlkti ijaraǵa beriw (alıw) yamasa tegin paydalanıw shártnamaları mámleketlik salıq xızmeti uyımlarında esapqa qoyıladı. Bunda esapqa qoyıw aralıqtan turıp tek ǵana elektron formada ámelge asırıladı.
Qarar menen sonday-aq, QQS tólewshilerin salıq uyımlarında qosılǵan qun salıǵı boyınsha arnawlı dizimnen ótkeriw tártibi haqqındaǵı reje tastıyıqlandı.