Янгиликлар
21
Nızamshılıqtaǵı_jańalıqlar
Pedagoglarǵa attestaciyadan ótkenligi haqqındaǵı sertifikat elektron formada beriledi
Mektepke shekemgi, ulıwma orta, orta arnawlı, professional hám mektepten tısqarı bilimlendiriw shólkemleri pedagog kadrların attestaciyadan ótkeriw tártibin jetlistiriw ilajları haqqındaǵı Húkimet qararı (572-san, 17.09.2021-jıl) qabıl etildi.
Qararǵa kóre, 2022-jıl 1-yanvardan:
- pedagog kadrlardı attestaciyadan ótkeriw boyınsha ministrlikler hám keńseler, Qaraqalpaqstan Respublikası, wálayatlar, Tashkent qalası, rayonlar (qalalar) hámde bilimlendiriw mákemeleri kólemindegi attestaciya komissiyaların dúziw hám toplam arqalı hújjet tapsırıw ámeliyatı biykar etiledi;
- pedagog kadrlardı attestaciyadan ótkeriw olardıń pedagogikalıq sheberlik hám psixologiyalıq tayarlıǵın bahalaw hámde Bilimlendiriw sapasın qadaǵalaw mámleketlik inspekciyası tárepinen oqıw páni boyınsha mamanlıq sınawın ótkeriw arqalı ámelge asırıladı;
- pedagog kadrlardı attestaciyadan ótkeriw hám olarǵa mamanlıq taypası (lawazımı) beriw boyınsha hújjetlerdi qabıl etiw MXO yamasa BIMXP yamasa Bilimlendiriw inspekciyası rásmiy veb-saytındaǵı arnawlı portal arqalı ámelge asırıladı;
- pedagog kadrlarǵa qaǵaz formasındaǵı attestaciyadan ótkenlik haqqındaǵı sertifikat beriw ámeliyatı biykar etilip, elektron formadaǵı sertifikat beriw tártibi engiziledi;
- pedagog kadrlarǵa oǵan shekem berilgen sertifikatlar óz kúshinde qaladı hám ámel etiw múddeti tamamlanǵanǵa shekem sertifikatda kórsetilgen mamanlıq taypası (lawazımı) boyınsha bazalıq tarif stavkaları tiykarında haqı tólewde esapqa alınadı.
2022-jıl 1-yanvarǵa shekem “pedkadr.tdi.uz” platforması islep shıǵıladı.
Pensiya jasına tolǵan pedagog kadrlar náwbettegi attestaciyaǵa shaqırılmaydı, attestaciyadan ótkenlik múddeti tamamlanıwına qaramastan olardıń ámeldegi mamanlıq taypası (lawazımı) saqlap qalınadı hámde usı mamanlıq taypası boyınsha haqı tólenedi.
Pensiya jasına tolǵan pedagog kadrlar óz qálewine kóre náwbetten tısqarı attestaciyadan ótip, mamanlıq taypası asırılǵan jaǵdayda, olarǵa jańa tastıyıqlanǵan mamanlıq taypası boyınsha haqı tólenedi.
Qarar menen sonday-aq, mektepke shekemgi, ulıwma orta, orta arnawlı, professional hám mektepten tısqarı bilimlendiriw shólkemleri pedagog kadrlardı attestaciyadan ótkeriw tártibi haqqındaǵı reje tastıyıqlandı.