Янгиликлар
22
Nızamshılıqtaǵı_jańalıqlar
Sudyalar iskerligi ashıq-aydın elektron reyting baǵdarlaması tiykarında bahalanadı
“Ózbekstan Respublikası Sudyalar joqarǵı keńesi haqqında”ǵı Ózbekstan Respublikası Nızamına ózgeris hám qosımshalar kirgiziw haqqında”ǵı Nızam (717-sanlı Nızam,
20.09.2021-j.) Prezident tárepinen imzalandı.
Nızamǵa kirgizilgen ózgerislerge kóre, Keńes:
- sudyalar arasında korrupciya jaǵdaylarınıń aldın alıp, olardı erte anıqlaw boyınsha ilajlar kóredi;
- sud sistemasında anıqlanǵan hár bir korrupciya jaǵdayın kórip shıǵadı hám principial bahalaydı.
Nızam menen Keńes baslıǵınıń orınbasarı wákilliklerine ózgerisler kirgizildi. Oǵan kóre, Keńes baslıǵı orınbasarı:
Sudyalar qol qatılmaslıǵın támiyinlew hám korrupciyanıń aldın alıw boyınsha sud inspekciyasınıń jumıslarına basshılıqtı ámelge asıradı, onıń jumıs nátiyjeliligin támiyinlew ushın juwapker boladı;
málimleme-kommunikaciya texnologiyaların engiziwge, sonday-aq málimleme qáwipsizligin támiyinlewge baylanıslı islerdi shólkemlestiredi.
Nızamǵa kirgizilgen qosımshalarǵa kóre, Keńes baslıǵı sudyalardıń qol qatılmaslıǵın buzǵan hám ádil sudlawdı ámelge asırıwǵa aralasqanlıq jaǵdayları boyınsha prokuratura uyımlarına usınıs kirgiziwi múmkin.
Prokuratura uyımlarına kirgizilgen usınıs 1 ay múddette kórip shıǵıladı hám Keńes jınayat isi qozǵatılǵanlıǵı haqqında yamasa onı qozǵatıwdan bas tartılǵanlıǵı haqqında Bas prokuratura tárepinen xabardar etiledi.