Янгиликлар
28
2020-jıl 1-avgusttan baslap 6243-sanlı Prezident pármanına tiykar jerge bolǵan qatnasıqlar jańa tártipte alıp barıladı Ózbekstan Respublikası Prezidentiniń 2021-jıl 8-iyun kúni “Jer qatnasıqlarında teńlik hám ashıq-aydınlıqtı támiyinlew, jerge bolǵan huqı
2020-jıl 1-avgusttan baslap 6243-sanlı Prezident pármanına tiykar jerge bolǵan qatnasıqlar jańa tártipte alıp barıladı
Ózbekstan Respublikası Prezidentiniń 2021-jıl 8-iyun kúni “Jer qatnasıqlarında teńlik hám ashıq-aydınlıqtı támiyinlew, jerge bolǵan huqıqlardı isenimli qorǵaw hám olardı bazar aktivine aylandırıw ilajları haqqında”ǵı 6243-sanlı Pármanı qabıl etildi.
Pármanǵa tiykar, 2021-jıl 1-avgusttan:
Jer uchastkaları jeke sektorǵa - múlk hám ijára huqıqı tiykarında ajratıladı;
Jer uchastkaları mámleket uyımlarına turaqlı paydalanıw huqıqı tiykarında ajratıladı;
Miyras etip qaldırılatuǵın ómirlik iyelik, turaqlı iyelik, waqtınsha paydalanıw huqıqı menen jer ajıratıw tártibi biykar etiledi; (bunda ilgeri ajıratılǵan jer uchastlarına bolǵan huqıqlar saqlanıp qaladı.)
Aўıl xojalıǵına mólsherlengen jerler ashıq elektron tańlaw arqalı tek ijára huqıqı tiykarında ajratıladı;
Bunnan tısqarı, awıl xojalıǵına mólsherlenbegen jerler múlk huqıqı hám ijára huqıqı tiykarında elektron onlayn-aukcion arqalı realizaciya etiledi;
Barlıq jaǵdaylarda jer uchastkaları tek bos turǵan hám rezervge alınǵan jerlerden ajratıladı ;
Mámleket-jeke sheriklik joybarları hám social joybarlardı ámelge asırıwda jer uchastkaları mámleket uyımına turaqlı paydalanıw huqıqı menen ajratıladı;
Pármange kóre, 2021 jıl 1-avgusttan hákimliklerdiń jerge tiyisli tómendegi kepillikleri biykar etiledi:
Jerdi tuwrıdan-tuwrı ajıratıw, paydalanıwǵa beriw, rezervlew, biriktiriw, abadanlastırıw ushın beriw yamasa jerlerdi basqasha jol menen ıqtıyar qılıw;
Rayon hám qala hákimlikleri tárepinen jerge bolǵan huqıqlardı belgilew, tán alıw, ózgertiw, bıykarlaw ;
Suwǵarılatuǵın jerlerdi suǵarılmaytuǵın jerler qatlamına yamasa basqa jer qatlamına ótkeriw;
Júzimshilik hám palızshılıq hám de járdemshi awıl xojalıǵın júrgiziw ushın jer beriw biykar etildi.
2021 jıl 1 avgusttan nızamshılıq hújjetlerinde belgilengen basqasha tártipte jer uchastkaların ajıratıwdı názerde tutatuǵın barlıq tártipler, jeńillik hám esaptan tısqarılar tolıq biykar etiledi.
Aysanem Abdikadırova,
Nókis rayonı ádillik bólimi
bas másláhátshisi