Янгиликлар
08
Soraǵan edińiz
Soraǵan edińiz
Soraw: Jol háreketi qatnasıwshıları JPX xızmetkerleri menen óz-ara qatnasıqlarda qanday huqıqlarǵa iye?
Ózbekstan Respublikası Ministrler Kabinetiniń 2018-jıl 1-dekabrdegi 975-sanlı qararı menen tastıyıqlanǵan Jol-patrul xızmeti xızmetkerleriniń jol háreketi qatnasıwshıları menen óz-ara qatnasıqları hám de arnawlı qurılmalardan paydalanıw tártibi haqqındaǵı Rejeniń 18-bántine kóre, jol háreketi qatnasıwshıları JPX xızmetkerleri menen óz-ara qatnasıqlarda tómendegi huqıqlarǵa iye:
JPX xızmetkeri tárepinen toqtatıw tiykarların, qaǵıydalardıń qaysı bánti (bántleri)in buzǵanlıǵı haqqında túsindiriw beriliwin talap etiw;
transport quralın toqtatqan JPX xızmetkerinen ózin tanıstırıwın, xızmet guwalıǵın kórsetiwin hám kókirek belgisin málim kılıwın talap etiw;
xızmetti mobil videokamerasız alıp barıp atırǵan JPX xızmetkerine hújjetlerdi usınbaw;
JPX xızmetkeri menen óz-ara qatnasıǵın ózine tiyisli audio, foto hám video qurılmaǵa dizimge alıw (JPX xızmetkeri tárepinen foto hám video túsirilimge alıw qadaǵan etilgen belgi bar aymaqlarda xızmet alıp barıw jaǵdayları bunnan tısqarı);
usı Rejeniń 13-bántinde názerde tutılǵan jaǵdaylardan tısqarı transport quralı kabinasınan shıqpastan, JPX xızmetkeri menen óz-ara qatnasıqqa kirisiw;
islegen qaǵıydabuzarlıǵı dizimge alınǵan arnawlı qurılma nátiyjeleri menen tanısıw;
huqıqbuzarlıq jaǵdayın anıqlawda paydalanılǵan arnawlı qurallardıń salıstırma sertifikatların kórsetiwdi talap etiw;
huqıqbuzarlıq jaǵdayı boyınsha túsindiriwler beriw;
tiykarsız toqtatıp turılmaslıǵın talap etiw;
JPX xızmetkeri tárepinen transport quralın yaki ondaǵı júkti sırtqı kózden keshiriw processinde qatnasıw;
ózi toqtatılǵan aymaqta JPX xızmetkeri xızmet alıp barıwı múmkinligi haqqındaǵı dislokaciya kóshirmesi menen sol orınnıń ózinde tanısıw yaki arnawlı ilajlar ótkerilip atırǵanlıǵı haqqında oraylıq málimleme-dispetcherlik xızmeti — málimleme-dispetcherlik xızmetinen maǵlıwmat alıw;
huqıqbuzarlıq haqqındaǵı hákimshilik bayanlama rásmiylestirilgeninen soń JPX xızmetkeriniń dislokaciyası saqlanıp atırǵan sap bólimi (bólimshesi) baslıǵınan dislokaciya haqqında jazba maǵlıwmat beriwin talap etiw;
ózine qarata rásmiylestirilgen hákimshilik huqıqbuzarlıq haqqındaǵı bayanlama, hákimshilik huqıqbuzarlıq haqqındaǵı is hújjetleri menen tanısıw, olardan óz esabınan nusqa kóshiriw yaki olardı fotosúwretke alıw;
JPX xızmetkeriniń háreketleri yaki háreketsizligi, rásmiylestirilgen huqıqbuzarlıq haqqında hákimshilik bayanlama hám de shıǵarılǵan qarar ústinen joqarı turıwshı uyım (lawazımlı shaxs)ǵa yaki sudqa shaǵım etiw;
ózi guwası bolǵan hádiyse haqqında JPX xızmetkerine haqıyqıy maǵlıwmattı bayan etiwi.
jol háreketi qatnasıwshıları nızam xújjetlerinde belgilengen basqa huqıqlarǵa da iye bolıwı múmkin.