Янгиликлар
08
Nızamshılıqtaǵı jańalıqlar
Nızamshılıqtaǵı jańalıqlar
Isbilermenler tárepinen salıq esabatın múddetinde usınbaǵanlıǵı ushın finanslıq sankciyalar biykar etiledi
“Salıq májbúriyatların orınlawda isbilermenlik sub'ektlerine jánede qolaylı sharayatlar jaratıw ilajları haqqında”ǵı Prezident pármanı qabıl etildi
Pármanǵa tiykar, 2022-jıl 1-yanvardan:
- kameral salıq tekseriwi nátiyjeleri boyınsha anıqlanǵan huqıqbuzarlıqlar ushın finanslıq sankciyalar qollanılmaydı;
- isbilermenler tárepinen salıq esabatın belgilengen múddetlerde usınbaw ushın finanslıq sankciyalar biykar etiledi.
2022-jıl yanvar – iyul aylarında eksperiment sıpatında Xorezm wálayatı mámleketlik salıq basqarmasında esapta turǵan saklıq tólewshilerdiń qosılǵan qun salıǵın, akciz salıǵı, aylanbadan alınatuǵın salıq hám yuridikalıq shaxslardan alınatuǵın jer salıǵı boyınsha salıq esabatları esaplap shıǵarıladı hám qáliplestirilip beriledi.
Sonday-aq, 2022-jıl 1-yanvarǵa shekem salıq tólewshilerge qosılǵan qun salıǵı, akciz salıǵı hám aylanbadan alınatuǵın salıqtı esaplaw ushın zárúr bolǵan salıq salıw ob'ekti yamasa salıq salıw menen baylanıslı basqa ob'ektlerdi elektron esapbet-fakturalarda sáwlelendiriw imkaniyatları jaratıladı.