Янгиликлар
07
Qaysı kategoriyadaǵı shaxslar (nawqaslar) stacionar emlew-profilaktika mákemelerinde awqatlanıw tóleminen azat etiledi?
#Soraǵan_edińiz
Soraw: Qaysı kategoriyadaǵı shaxslar (nawqaslar) stacionar emlew-profilaktika mákemelerinde awqatlanıw tóleminen azat etiledi?
Ózbekstan Respublikası Ministrler Kabinetiniń 2016-jıl 5-fevraldaǵı 31-sanlı qararı menen tastıyıqlanǵan “Ózbekstan Respublikası Densawlıqtı saqlaw ministrligi sistemasınıń stacionar emlew-profilaktika mákemelerinde awqatlanıwdı shólkemlestiriw hám onıń ushın haq tólew tártibi haqqındaǵı Reje”ge 1-qosımsha menen tastıyıqlanǵan kesellikler dizimine kóre, tómendegi shaxslar (nawqaslar) emlew-profilaktika mákemelerinde awqatlanıw tólewinen azat etiledi:
1. AIJS keselligin juqtırǵanlar.
2. Onkologiyalıq kesellikler.
3. Ruwxıy kesellikler.
4. Juqpalı kesellikler.
5. Náshebentlik kesellikleri.
6. Endokrinologiyalıq kesellikler.
7. Nurlanıw keselligine shalınǵan nawqaslar.
8. Maxaw keselligi.
9. Sifilis.
10. Tuberkulyoz keselligi.
11. Qıstawlı medicinalıq járdem kórsetiw waqtında nawqaslardıń emlewxanada bolıwı sheklengen múddetleriniń tastıyıqlanǵan standartları boyınsha reanimaciya ilajların hám intensiv terapiyanı talap etiwshi kesellikler hám jaǵdaylar.
12. Dárejesinen tısqarı, kemqanlıq keselligine shalınǵan hámiledar hayallar hám tuwǵan hayallar.
Esletpe: usı dizim medicinalıq járdem pullı tiykarda kórsetiletuǵın medicina mákemeleriniń byudjetten tısqarı qarjıları (óz qarjıları) esabına qarjılandırıw shártlerinde jumıs kórsetiwshi medicina mákemelerine, olardıń bólimlerine yaki palatalarına qarata qollanılmaydı.