Янгиликлар
02
Ulıwma awqatlanıw hám turizm tarawların qollap-quwatlawdıń qosımsha ilajları haqqındaǵı Ózbekstan Respublikası Prezidentiniń qararı qabıl etildi
Ulıwma awqatlanıw hám turizm tarawların qollap-quwatlawdıń qosımsha ilajları haqqındaǵı Ózbekstan Respublikası Prezidentiniń qararı qabıl etildi
Koronavirus pandemiyası dáwirinde ulıwma awqatlanıw hám turizm tarawlarında jumıs alıp barıp atırǵan isbilermenlik sub'ektlerin qosımsha tárizde qollap-quwatlaw, sonday-aq, isbilermenlerdiń mashqalaları menen usınısların tikkeley úyreniw hám isbilermenlikti keleshekte rawajlandırıwdıń tiykarǵı baǵdarların belgilep alıw boyınsha 2021-jıl 20-avgust kúni ótkerilgen Ózbekstan Respublikası Prezidentiniń isbilermenler menen ashıqtan-ashıq sóylesiwi sheńberinde belgilengen máselelerdiń orınlanıwın támiyinlew maqsetinde:
1. 2021-jıl 1-sentyabr'den baslap:
2021-jıl 31-dekabr'ge shekem ulıwma awqatlanıw kárxanaları yuridikalıq táreplerden alınatuǵın jer salıǵı hám yuridikalıq táreplerdiń múlkine salınatuǵın salıqtı tólewden azat etiletuǵını;
2023-jıl 1-sentyabr'ge shekem turistlik (miymanxana) jıyımın esaplaw hám tólew toqtatılatuǵını belgilensin.
2. Ulıwma awqatlanıw kárxanalarına jergilikli mámleketlik hákimiyat uyımlarına arza jibermey turıp, salıq uyımların xabardar etken halda aylanıstan alınatuǵın salıq, payda salıǵı, suw resurslarınan paydalanǵanı ushın salıq, yuridikalıq táreplerden alınatuǵın jer salıǵı, yuridikalıq táreplerdiń múlkine salınatuǵın salıq hám jıyımlar boyınsha 2021-jıl 15-avgust jaǵdayına bola qarızdarlıqtı, sonday-aq, barlıq salıqlar boyınsha járiyma hám penyalardı 2022-jıl 1-yanvar'dan 1-iyul'ge shekem procentlerdi óndirmesten teńdey muǵdarlarda keshiktirip (bólip-bólip) tólew huqıqı berilsin.
3. Kommerciyalıq banklerdiń ulıwma awqatlanıw tarawında xızmet kórsetetuǵın qarıydarların finanslıq salamatlandırıw ushın bank xızmetleriniń hár qıylı túrdegi instrumentlerinen paydalanıp, olardı qosımsha qollap-quwatlaw haqqındaǵı usınısı maqullansın.
4. Qarjı ministrligi bir ay múddette usı qarardan kelip shıǵıp, Salıq kodeksine ózgerisler hám qosımshalar kirgiziwdi názerde tutatuǵın nızam joybarın Ministrler Kabinetine kirgizsin.
5. Usı qarardıń orınlanıwın qadaǵalaw Ózbekstan Respublikası Bas ministriniń orınbasarı J.A.Qўchqorovqa júklensin.
Ózbekstan Respublikası
Prezidenti Sh.MIRZIYOEV.
Tashkent qalası,
2021-jıl 25-avgust