Янгиликлар
31
Saylaw komissiyaları tárepinen fizikalıq hám yuridikalıq shaxslardıń múrájatların kórip shıǵıw tártibi
Saylaw komissiyaları tárepinen fizikalıq hám yuridikalıq shaxslardıń múrájatların kórip shıǵıw tártibi
Saylaw komissiyaları saylaw kampaniyasın ótkeriw dáwirinde fizikalıq hám yuridikalıq shaxslardıń usı Kodeks talapları buzılǵanlıǵı yaki saylawdı shólkemlestiriwdiń basqa máseleleri boyınsha ózine kelip túsken múrájatların óz wákillikleri sheńberinde kórip shıǵıwı, usı múrájatlar boyınsha tekseriwler ótkeriwi hám úsh kúnlik múddette olarǵa jazba juwaplar beriwi, saylawǵa keminde altı kún qalǵanda yaki dawıs beriw kúni kelip túsken múrájatlardı bolsa dárhal kórip shıǵıp, juwap qaytarıwı shárt.
Múrájatlar dizimge alıw dápterinde dizimge alınıwı tiyis.
Saylaw komissiyasınıń baslıǵı múrájattı kórip shıǵıw hám ol boyınsha qarar qabıl etiw ushın tiyisli komissiyanı usı Kodekste belgilengen múddetlerde shaqıradı hám onıń májilisin ótkeredi. Májiliske mápdar shaxslar mirát etiliwi múmkin.
Qoyılǵan máselelerdi sheshiw óz wákilligine kirmeytuǵın uchastkalıq saylaw komissiyasına kelip túsken múrájat úsh kúnlik múddette tiyisli uyımlarǵa múrájat jibergen shaxs bul haqqında xabardar etilgen halda jiberiledi.
Múrájattı kórip shıqqan saylaw komissiyaları aǵzaları onı kórip shıǵıw nátiyjeleri hám qabıl etilgen qarar haqqında múrájat jibergen shaxsqa xabar beriwi shárt.