Янгиликлар
27
Qaraqalpaqstan Respublikası Yuridika texnikumı direktor orınbasarı Arzıbike Janibekova “Dóstlik” ordeni menen sıylıqlandı!
Qaraqalpaqstan Respublikası Yuridika texnikumı direktor orınbasarı Arzıbike Janibekova “Dóstlik” ordeni menen sıylıqlandı!
Ózbekstan Respublikası ǵárezsizliginiń otız jıllıǵı múnásibeti menen áskeriy xızmetshiler hám huqıqtı qorǵaw uyımları xızmetkerlerinen bir toparın sıylıqlaw haqqındaǵı Prezident Pármanı menen Arzıbike Janibekova “Dóstlik” ordeni menen sıylıqlandı.
Arzıbike Janibekova 1956-jılı Qaraqalpaqstan Respublikasınıń Qońırat rayonında tuwılǵan. Maǵlıwmatı – joqarı, huqıqtanıwshı, 2-dárejeli ádillik másláhátshisi.
Arzıbike Janibekova 1978-jılda Qońırat rayonı sociallıq támiynat bólimi inspektorı lawazımında baslaǵan hám ótken jıllar dawamında Qaraqalpaqstan Respublikası Ministler Keńesi, Sud hám Prokuratura uyımlarında hár túrli juwapkershilikli lawazımlarda jumıs islegen.
2010-2018-jıllarda Yuridika kolledji direktorı, 2018-2020-jıllarda Yuridika kolledji direktorınıń birinshi orınbasarı sıpatında jumıs alıp bardı.
Házirgi kúnde Qaraqalpaqstan Respublikası Yuridika texnikumı direktorınıń oqıw isler boyınsha birinshi orınbasarı lawazımında islep kelmekte.
Qaraqalpaqstan Respublikası Ádillik ministrligi jámááti Arzıbike Janibekovanı joqarı mámleketlik sıylıq penen qutlıqlap, aldaǵı jumıslarında tasqın tabıslar tileydi.