Янгиликлар
27
Ózbekstan Respublikası ádillik ministri Ruslanbek Davletov “Dóstlik” ordeni menen sıylıqlandı!
Ózbekstan Respublikası ádillik ministri Ruslanbek Davletov “Dóstlik” ordeni menen sıylıqlandı!
Ózbekstan Respublikası ǵárezsizliginiń otız jıllıǵı múnásibeti menen áskeriy xızmetshiler hám huqıqtı qorǵaw uyımları xızmetkerlerinen bir toparın sıylıqlaw haqqındaǵı Prezident Pármanı menen Ádillik ministri Ruslanbek Davletov “Dóstlik” ordeni menen sıylıqlandı.
Ruslanbek Davletov 1980-jılı Xorezm wálayatı Shovot rayonında tuwılǵan. Maǵlıwmatı – joqarı, huqıqtanıwshı, ekonomist, 1-dárejeli ádillik másláhátshisi.
2001-jıl Ulı Britaniyanıń Varvik universitetin, 2003-jılda Jáhán ekonomika hám diplomatiya universitetin (magistratura), 2007-jıl Tashkent mámleketlik ekonomika universitetin hám 2010-jıl Ózbekstan Respublikası Prezidenti janındaǵı Mámleket hám jámiyet qurılısı akademiyasın tamamlaǵan.
Miynet iskerligin 2001-jılda Monopoliyadan shıǵarıw hám báskeilikti rawajlanıdırıw mámleketlik komitetinde jetekshi qánige lawazımında baslaǵan hám ótken jıllar dawamında Ministrler Kabineti, Joqarǵı sud, Prezident Administraciyasında hár túrli juwapkershilikli lawazımlarda jumıs islegen.
Ózbekstan Respublikası Prezidentiniń Pármanına tiykar 2017-jıl 14-avgusttan berli Ózbekstan Respublikası ádillik ministri lawazımında islep kelmekte.
Qaraqalpaqstan Respublikası Ádillik ministrligi jámááti Ruslanbek Quroltayevich Davletovtı joqarı mámleketlik sıylıq penen qutlıqlap, aldaǵı jumıslarında tasqın tabıslar tileydi.